الهندسه و البيئه و الابحاث العلميه .. بحر واسع من العلم حنحاول سوا نفهمه
الأثيوبيين بيقولوا إن بمجرد ما ال16 تربينة في السد تشتغل و يبدأ ينتج ال6000 ميجاوات كهرباء اللي هو إتصمم عليها فإنتاج البلد من الكهرباء حينط 150% مرة واحدة .. دي كهرباء كفيلة إنها تكفي إحتياجات أثيوبيا و كمان تصدر منها لجيرانها .. هنا برده السياسة الخارجية حتظهر معاك لإن أثيوبيا لاسه ماضية إتفاقية سلام مع أريتريا و عايزه يبقي ليها شغل مع جنوب السودان.
نظام الدايت العسكري ده عبارة عن نظام دايت بيخليك تخس حبة حلوين في أسبوع والدايت ده متقسم مرحلتين .. أول مرحلة هي أول 3 أيام في الأسبوع حتمشي علي نظام قاسي متحدد فيه الوجبات بتاعتك بكمياتها .. الأربع أيام اللي فاضلين مش حقول إنهم فري بس القيود المحطوطة علي أكلك أقل بكتير.
بالنسبة لأي طفل في حضانة أو مدرسة هو عايش كأنه في معسكر تدريب من بتوع الجيش .. مفيش لعب .. مفيش تنطيط .. فطبيعي إنه يحس إنه مكتئب و بائس.
طريقة RO مش بتنفع في كل وقت و كل مكان .. كل ما نسبة الملوحة في المياه بتزيد فكفاءة الطريقة دي بتقل .. النقطة دي مهمة لإن صحيح إحنا إتعودنا علي إننا نسمي Desalination إن معناها تحلية مياه البحر بس الحقيقة إن RO مش بس بتستخدم لتحلية مياه البحر قد ما بتستخدم لتحلية المياه العكرة اللي بتتسمي Brackish .. دي مياه مش نظيفة بس في نفس الوقت نسبة الملوحة فيها مش عالية و بالتالي لما تيجي تستخدم معاها RO بتلاقي إن الكفاءة بتنط معاك نطة حلوة أوي.
الدم بيتكون من 3 حاجات و المصنع اللي بينتج الدم هو النخاع اللي في العظم عشان بعد كده لما نقولكوا كلوا النخاع اللي في الكوارع محدش يتريق .. المهم .. فيها حاجه إسمها كرات الدم الحمراء ودي دورها إنها أوبر Uber بتاع الأكسجين لخلايا جسمك .. كرات الدم البيضا ودي تبقي الAnti-Virus بتاع الكومبيوتر بتاعك لإن دورها هي محاربة الإلتهابات و البكتريا .. البلازما ودي دورها إنها توقف النزيف.
العادات السبعة دي كلها زي ما قلتلك مش هي الضربة القاضية إنما العادات اللي تكرارها مع السنين بيقتل الجواز بالبطيء لحد ما بتوصلوا لمرحلة إنكوا تصحوا الصبح مش طايقين بعض .. الجواز عشان يعيش لازم تبدأ تاخد بالك من التفاصيل الصغيرة و تلقطها و تبدأ تشتغل عليها عشان تخلص منها لإنك لو سبتها فهي بتعمل شرخ و الشرخ ده مع الوقت بيكبر لحد ما حيوقع البيت كله.
تخيل إن الثقب الأسود ده عبارة عن دوامة زي الدوامة اللي في الساحل الشمالي لما تنزل المياه و يكون الموج عالي حبتين .. فيه مرحلة أثناء لما الدوامة بتشفطك بتتسمي نقطة اللاعودة اللي هي النقطة اللي انت مهما حاولت تقاوم و مهما حاولت تعوم مش حتعرف تهرب من قوة شد الدوامة ليك .. اللحظة دي بتتسمي Event Horizon إن الجسم أو الضوء أو أي حاجة خلقها ربنا بتوصل لمرحلة إنها مش بتقدر تقاوم قوة الجذب بتاعة الثقب الأسود.
انا مش بهزر ولا كنت بحاول اني ابسطلك المعلومه لما شبهتلك الهبوط علي المريخ بانه مساله فيزياء .. زي ما انت في ثانويه عامه او لو ربنا قدرك و دخلت كليه هندسه مع اني منصحكش و كان بيتقالك عشان تعرف تحل في الامتحان لازم تحل الشيتات و تمرن نفسك علي انك تحل مسائل امتحانات كتير فبرده فرق المهندسين اللي بتتولي مهمه الهبوط باي مركبه فضاء علي المريخ بيقضوا ساعات كتير اوي مبيعملوش حاجه في حياتهم غير انهم يحلوا مسائل امتحانات عشان يمرنوا ايدهم و عقلهم لحد يوم الامتحان
اللي أنا عايز أختم به هو إن فعلاً إنك تبقي مصاب ب High Functioning Depression مٌهلك لأعصابك ولصحتك .. الهسهس اللي بيبقي مسيطر علي دماغك هو إنك بتسلم وتتكلم وتهزر مع ناس زمايلك في الشغل بس من جواك بتبقي مقتنع بإنهم أساساً مش طايقينك
وإنت مضطر تمثل عليهم دور إنك كويس.
النهاردة حنحاول نحل مع بعض المشكلتين دول .. إزاي تبني كوبري مضاد للزلازل وفي نفس الوقت بيستحمل الرياح الجامدة؟ .. لإن في الهندسة مينفعش تحل كل حاجة مع بعض فخلينا نفصلهم ونبدأ بالمشكلة الأولانية .. إزاي تحمي كوبري إلي حد كبير طويل شوية (طوله بيعدي 3 كيلومتر) من الزلازل؟ الكوبري ده لما إتعمل كان الTarget بتاع التصميم بتاعه إنه يستحمل زلزال قوته 7.4 علي مقياس ريختر و ده زلزال كافي أوي إنه يخليلك أي كوبري في الدنيا يتدمر لشوية تراب.
جسم الإنسان عامل زي دماغ الطفل الصغير عنيد و مبيحبش يتقاله يعمل ايه و ميعملش ايه و يخس فين و يطخن فين وعشان كده طبيعي جدا ان الناس الطخان لما يعملوا دايت يلاقوا حتت معينه في جسمهم انكمشت و حتت تانيه لا.
زي ما الأبحاث العلمية اللي بتتعمل علي الدايت وإيه أحسن نظام دايت ممكن تمشي عليها فيها هري كتير فكمان الأبحاث العلمية اللي بتتعمل علي الجنس فيها هري كتير أو علي الأقل ده اللي بيقوله (روب بيركنز) وده رجل أسس حاجة إسمها OMGYes ودي مؤسسة تقدر تسميها Google بتاعة الأبحاث المتعلقة بالجنس.
اللي الناس بتوع NASA عايزينه إنهم يخلوا المسبار (باركر Parker) ده يوصل لمسافة 6 مليون كيلومتر من الشمس عشان يلمس حاجة إسمها الكورونا Corona .. مش الشيكولاتة .. الكورونا دي تبقي الطبقة الخارجية خالص من الشمس اللي بتبقي شبه موج البحر و بتشوفها بعنيك في الخسوف الكلي للشمس.
اللي بتكلم عنه كان جراح أنف و أذن و حنجرة نيوزيلندي إسمه (هارولد جيليز Harold Gillies) كان بيخدم في المستشفيات الميدانية وقت الحرب و شاف بنفسه قد إيه إصابات الوش بالذات محتاجه حد يبصلها و يشوفلها حل .. في الوقت ده القيادة العسكرية البريطانية كانت ماشية في إتجاه إننا محتاجين نشوف نعمل إيه في مجالات خاصة أوي في الطب مكناش كبشر محتاجين نبصلها زي مثلاً إصابات الجهاز العصبي اللي بسبب التعرض للأسلحة الكيماوية.
مبدأياً لازم تكون فاهم مشكلة ثابت بلانك .. ثابت بلانك ده لو حبيت تفهمه هو رقم بيحول الطول الموجي للضوء لكم الطاقة اللي كل فوتون بيشيلها .. مفهمتش حاجة صح .. مش مهم .. المهم إننا مكناش عارفين إزاي نقيس ثابت بلانك ده .. كده إحنا مش عارفين لا نعرف الكيلوجرام ولا حتي نعرف ثابت بلانك اللي هو احنا لبسنا في الحيط.
مهم تكون عارف إن الأشعة السينية مكنتش إختراع جديد وقت (ماري كوري Marie Curie) ما فكرت فيه .. الأشعة السينية إكتشفها واحد إسمه (فيلهلم رونتيجين Wilhelm Roentgen) سنة 1895 وخد عنها جايزة نوبل يعني الأشعة السينية كانت موجوده قبل الحرب العالمية الأولي ماتبدأ بحوالي 20 سنة.