مشكلة التغييرات المناخية أو Climate Change عامل زي التراكمات .. التراكمات دي هي اللي خلت الأمم المتحدة تقول في خطتها لمواجهة التقلبات المناخية اللي إتسمت Intergovernmental Panel on Climate Change أو IPCC إن البشر محتاجين يصرفوا فلوس علي تكنولوجيا جديدة إسمها Carbon Capture ودي بمنتهي البساطة إنك تشفط غاز ثاني أكسيد الكربون من الهواء.
خليك فاهم إن أي خبر علي سوشيال ميديا لتوتر حصل بين الصين وتايوان حيكون معاه الجملة دي .. طيارات من سلاح الجو الصيني إنتهكت المجال الجوي التايواني .. في شهر واحد بس 150 طيارة صينية إنتهكت المجال الجوي التايواني .. أقف بقي هنا .. اللي بيكون بيكتب الخبر تقريباً مش بيبقي واخد باله إن فيه حاجتين شبه بعض بس هم مختلفين خالص عن بعض .. الحاجة الأولانية هي المجال الجوي Air Space لأي دولة .. الحاجة الثانية هي منطقة عمليات الدفاع الجوي Air Defense Identification Zone و إختصاراً بتتسمي ADIZ.
في الأول (أبي أحمد) طلع قال إن يا جماعة مفيش قوات من أريتيريا بتشارك في الهجوم ضد التيجراي أصلاً وإن العساكر بتاعته بيوزعوا ورد وحلويات علي أهل التيجراي والناس صدقت .. شوية والمصايب بدأت تظهر .. الأمم المتحدة وصفت اللي حصل في التيجراي من أول نوفمبر 2020 إنه أسوأ كارثة إنسانية تعدي علي أثيوبيا من أكتر من 20 سنة.
يمباوي الأوسط و السفلي اللي هم أكثر منطقة عايش فيها فيلة في العالم عمليات الصيد الغير مشروع فيها قلت بنسبة 80% في 3 سنين بسبب شغل فرقة بنات الأكاشينجا.
ده معناه إيه؟ .. معناه إن سواء و (فلاد) عايش أو بعد ما مات الناس كلها كانت يا شايفاه قتال قتلة يا إما بطل قومي عشان بيحارب المسلمين ده علي حسب إنت قاعد في مدرجات مين بس محدش في أي لحظة من اللحظات هبد الهبداية العابرة للقارات بتاعة إن (فلاد) كان مصاص دماء أو فامباير .. دي فكرة إتزرعت في نفوخنا بسبب رواية Dracula اللي كتبها الروائي الأيرلندي (برام ستوكر Bram Stoker).
عارف لما تبقي بلطجي وتربي كلب بولدوج وتشرسه وفي أول خناقة تطلقه علي اللي إنت بتتخانق معاهم؟ .. أهو ده اللي العثمانيين عملوه سنة 1448 لما إدوا (فلاد الثالث) اللي كان عنده يدوبك 17 سنة شوية عساكر وشوية فلوس وقالوله روح خد العرش بتاعك .. (مراد) زيه زي (سيجيسموند) كان شايف والاشيا هي العتبة بتاعة المجر وبالتالي لازم اللي يحكم والاشيا يبقي عروسة في إيدي.
كل دولة بتحب زيها العسكري يكون بيعبر عنها وعن هويتها .. هو لازم يبقي شيك بس في نفس الوقت يبقي عملي و مش مكلف .. لو دخلت عملت سيرش علي النت عن أحلي زي عسكري في العالم دلوقتي في الزمن اللي إحنا فيه ده حتلاقي من ضمن نتايج البحث بتاعك حيطلعلك كلام و صور عن الزي العسكري النازي .. ليه متفهمش.
أهم طيارتين بدون طيار في الترسانة العسكرية التركية هم أنكا إس Anka-S و بيرقدار Bayraktar TB-2 .. زي أي بلد بتصنع سلاح و لازم تجربه و تستعرضه عشان الزباين تتلم عليه فالأتراك إخترعوا أسباب تخليهم يتدخلوا عسكرياً في سوريا و العراق و ليبيا ده طبعاً جنب السبب الرئيسي اللي هو خدمة مصالحهم بس تجربة و إستعراض السلاح اللي هم بيصنعوه.
النهاردة عايزين نتكلم عن حالة خاصة شوية من دول جنوب شرق أسيا .. الحالة الخاصة دي هم شوية بني أدمين من وسط قبيلة اسمها بوتون Buton Tripe عايشين علي واحدة من جزر دولة أندونيسيا والمميز فيهم إن زي ما إنت شايف ربنا خلقهم عينيهم زرقاء.
يمكن مشكلتي مع (جي جينبينج) إنه عامل زي شخصية (مسعود) اللي جسدها الممثل (سمير غانم) الله يرحمه في مسرحية المتزوجون لما جيه يضبط الكمام بتاعة البدلة البنطلون ضرب .. هو عنده مشكلة كبيرة بس هو عارف إنه مش حيعرف يحلها لإنه هو السبب فيها فيقوم يعمل إيه؟ يحط مزيل عرق .. هو شايف إن حل أي مشكلة إنه يصرف فلوس علي أي حاجة بتتحط تحت مظلة البحث والتطوير.
لما حصل و صفقة الغواصات الفرنسية الأسترالية باظت فده خلي الفرنساويين يبصوا لنفسهم في المراية و يسألوا نفسهم هو إزاي إحنا شايفين نفسنا جامدين زحليقة بس باقي العالم شايفنا زي ما نكون كومبارس ملناش دور ولا أهمية؟
تبقي الطريقة اللي (دانييل كريج) جسد بيها الشخصية هي أحلي حاجة مش بس فيلم No Time to Die إنما في السلسلة كلها .. هو قدمه علي إنه بني أدم بيتألم و بيحس و بيزعل و بيعيط .. مع (دانييل كريج) إنت بقيت مبسوط بمشاهد الأكشن .. مستني بمنتهي الصبر علي المشاهد اللي بتحضرك لمشاهد الأكشن .. بس حاسس إن قلبك مقبوض في المشاهد اللي فيها تمثيل بجد.
ألبوم الصور ده من تصوير مصور فوتوغرافي واللي تعتبر أحلي صور تتعمل للعرض الجوي اللي بتعملة القوات الجوية الملكية الأسترالية كل سنة واللي معروف بإسم عرض ريفير فاير الجوي.
عقيدة البدء Begin Doctrine وهي إن من حقنا نضرب أي حد يفكر يبقي عنده سلاح نووي زينا .. عملوها ضد العراقيين لما ضربوا المفاعل النووي العراقي سنة 1981 .. عملوها ضد السوريين في 2007 .. عملوها في 2008-2009 لما ضربوا البرنامج النووي الإيراني بفيروس كومبيوتر إسمه ستوكس-نيت Stuxnet عملته مخصوص وكالة الأمن القومي الأميريكية NSA.
إنت قدام وضع إن الرجل اللي تنبأ بإن أميركا حتخش حرب مع الصين وإن الرجل اللي كان حيبقي مسئول عن إعادة هيكلة نظام المشتريات في القوات المسلحة الأميريكية مش حيشتغل وفيه ناس شايفه إن قرار عدم تعيينه ده كلف أميركا مواجهتها الجاية .. تيجي تسأل ليه؟ تلاقي الإجابة إن عشان فيه ناس مؤمنة بفكرة هذا ما وجدنا عليه أباؤنا وأجدادنا.
الصاروخ ده كائن مبيفهمش بناء عليه طول ما هو طاير في السكة لازم تفضل انت مشاورله علي الطيارة اللي انت عايزه يوقعها .. ده بيحصل إن الطيار لازم يفضل منشن علي الطيارة اللي هو عايز يوقعها بالرادار بتاعه عشان Receiver بتاع الصاروخ طول ما هو ماشي يجري ورا الإشارة المبعوتة منك.