في شهر سبتمبر من كل سنة بيتعمل إيفينت في مدينة بريسباين Brisbane الأسترالية إسمه عرض ريفير فاير الجوي Riverfire Air Show بتنظمة القوات الجوية الملكية الأسترالية مش لسبب غير إنهم يخلوا الناس اللي بتتفرج يجيبوا اللي في بطنهم من مجرد إنهم يتفرجوا علي المناورات الجوية اللي بيعملها الطيارين الأستراليين .. إنت بتروح معاك فشارك و بيبسيك و تتفرج علي طيارة F/A-18 Super Horner بتلف حول نفسها تحت كوبري بينها وبين المياه مفيش كام متر .. الأهم بقي زي ما حتشوف في الصور طيارة نقل C-17 Globemaster III بتخمس بين الأبراج و ناطحات السحاب .. الصور دي إلتقطتها عدسة المصور (مارك جرين-مانتل Mark Greenmantle) والصور متصورة بحرفنة لدرجة إنك حتقول لنفسك أكيد ده جرافيك مش بحق و حقيقي.
المصدر:
مقالة بعنوان These Images of Aussie C-17s Flying Among Skyscrapers in Brisbane Are the Best We’ve Ever Seen نشرت في موقع The Drive وده لينك المقالة الأصلية:
https://www.thedrive.com/the-war-zone/42637/these-images-of-aussie-c-17s-flying-among-skyscrapers-in-brisbane-are-the-best-weve-ever-seen
