سنة 2010 قطر صدمت العالم لما قالت إن من دلوقتي لحد سنة 2022 هي حتبني خمس إستادات عشان يتلعب عليهم بطولة كأس العالم .. الأستاد اللي بنوريك صوره النهاردة في الألبوم ده يبقي الإستاد الرابع و هو إستاد أحمد بن علي و اللي أفتتح رسمياً يوم 27 ديسمبر 2020 بعد ما سبقه ثلاث إستادات اللي هم إستاد خليفة الدولي و إستاد الجنوب و إستاد المدينة التعليمية .. المذهل الحقيقة في الإستاد في رأيي هو حاجتين:
- أول حاجة إنك لو صدقت كلام (حسن الثوادي) سكرتير عام اللجنة المنظمة لكأس العالم فإستاد أحمد بن علي إتبني في نفس مكان إستاد الريان القديم و مش بس كده .. أكتر من 90% من المواد اللي إستاد الريان القديم إتبني بيها أستخدمت في بناء الإستاد الجديد اللي إتبني بسعة 40,000 متفرج و المفروض إن حيتلعب عليه ماتشات دور المجموعات و دور ال16 من البطولة.
- الشركة اللي صممت الإستاد إسمها رامبول Ramboll و دي مكتب إستشارات هندسية كبير أوي لدرجة إن جواه إدارة مخصوص لتصميم الإستادات الرياضية إسمها Pattern Design ولما جت تقدم تصميمها للكلاينت (اللي هو قطر) قدمتلهم 4 تصميمات مختلفة عشان قطر تختار منهم واحد .. اللي تم إختياره في الأخر هو تصميم خامس عبارة عن ميكس بين التصميمات الأربعة الأولية.
المصادر:
- مقالة بعنوان Qatar has just opened a mammoth stadium for 2022 FIFA World Cup-it has 40,000 seats and is air conditioned نشرت في مجلة Luxury Launches و ده لينك المقالة الأصلية:
https://luxurylaunches.com/travel/qatar-has-just-opened-a-mammoth-stadium-for-2022-fifa-world-cup-it-has-40000-seats-and-is-air-conditioned.php
