واحدة من أكتر الأغاني اللي أنا بحبها ل(عمرو دياب) هي أغنية عم الطبيب و اللي فيها مقطع بيقول “كل العلل دواها الفلوس” و ده حقيقي جداً علي فكرة .. أي حد يقولك الفلوس مش سبب السعادة إعرف إنه فقير محلتوش اللضا بس بيصبر نفسه بالكلمتين دول و الصور اللي في الألبوم اللي عندك توريك ده .. لو إنت شاب في مصر بتسف تراب عشان تشطب شقتك فتعالي في حضن أخوك و عيط و إنت بتتفرج علي الألبوم ده .. يحكي أن فيه رجل أعمال صيني قالك إنه عايز يعمل بيت عايم علي المياه قام رفع سماعة التليفون كلم مهندس معماري صاحبه و اللي صادف يعني إنه من أهم المهندسين المعمارييين الصينيين و إسمه (دونج جيانمينج Dong Xianmeng) عشان يصممله البيت اللي هو بيحلم بيه ده.
البيت مكانه قصاد ساحل جزيرة دونجشان Dongshan و علي بعد 500 متر من الشط .. البيت ده عشان يتبني إتكلف 61,000 دولار (يغني داخل في حوالي مليون جنيه مصري) و إستمر بناءه سنة كاملة .. الأساس بتاع البيت فكرته إنك عايز أبواب ألوماتال داير ما يدور عشان أيا كان إنت قاعد فين في البيت فإنت شايف البحر .. البيت زيه زي أي شقة عادية حتلاقيه فيه صالة و سفرة و مطبخ و أوضتين نوم .. إينجوي.
المصدر:
مقالة بعنوان You won’t believe but a Chinese entrepreneur built this gorgeous home that floats in the middle of the ocean for a measly $61,000 نشرت في موقع Luxury Launches وده لينك المقالة الأصلية:
https://luxurylaunches.com/buildings/you-wont-believe-but-a-chinese-entrepreneur-built-this-gorgeous-home-that-floats-in-the-middle-of-the-ocean-for-a-measly-61000.php
