تقدر تقول إن مشروع The Amazing Spider-Man 3 إترمي في الزبالة بمجرد ما مارفل أعلنت إن (توم هولاند) حيبقي سبايدر مان الجديد في فيلم Captain America: Civil War و وراها يوم 23 يونيو 2015 شركة Sony بتعلن إن (توم هولاند) حيجسد شخصية سبايدر مان في أول فيلم من الثلاثية بتاعته و اللي حيخرج الفيلم (جون واتس John Watts).
نقطة تانية ناس كتير بتنساها هو إن صحيح القوات الروسية اللي دخلت أوكرانيا وصلت 150,000 مقاتل و ده رقم يخض الحقيقة بس إنت محتاج تفهم نقطة وهي إن القوات دي دخلت أوكرانيا من 15 مكان مختلف .. بمعني أخر .. لو إفترضنا إن القوات دي إتقسمت بالتساوي فإنت كل مكان دخلت منه القوات الروسية لأوكرانيا كان عدد القوات الروسية يدوبك 10,000 مقاتل بس.
الحقيقة إن ناس كتير متعرفش الحكاية دي بس ناَدي أرسنال هو اللي فتح عيون الإنجليز علي أهمية إن النجيلة بتاعة الإستاد تبقي زي المسطرة وده حصل لما النادي ببركة دعاء الوالدين الحقيقة جابوا إتنين في وقت واحد هم اللي نقلوا النادي لحتة تانية خالص .. الأولاني هو (أرسين فينجر Aresen Wenger) وده كان المدير الفني اللي لما جابوه من اليابان الناس كلها قالت هي إدارة أرسنال اتخبطت في نافوخها ولا إيه .. الثاني كان عيل صغير عنده 23 سنة إسمه (ستيف برادوك Steve Braddock) عشان يبقي هو المسئول عن نجيلة ملعب الهايبوري بتاع نادي أرسنال.
في حالة إنك من الناس اللي بتحب يبقي ليك رأي في كل حاجة في الدنيا فأنا متفهم رغبتك إنك تعرف الزتونة .. الزتونة إن أيوه دبابات Panzer IV و Tiger كانت أقوي بكتير من الدبابات الروسي T-34 و KV-1 .. ده السبب ورا إن صحيح من أول سنة 1943 و إنت طالع الدبابات دي كانت يدوبك تمثل بس 7% من إجمالي الدبابات اللي تحت إيد سلاح المدرعات الألماني إلا إنها كانت ليها Overall Kill Ratio عالي .. لكن .. و علي رأي واحد صاحبي كلمة لكن لوحدها بتخليك ترمي أي حاجة إتقالت قبلها في الزبالة فالدبابات الألماني كانت جايه بمشاكلها و اللي تتلخص في كلمة واحدة .. أصلها ألماني.
الروس مينفعش يخشوا كييف يحطوا حكومة موالية ليهم ويمشوا لإن بمجرد ما يمشوا الحكومة دي الناس حتثور عليها .. إفتكر إن أوكرانيا عايش فيها 44 مليون بني أدم بقالهم 30 سنة بيحلموا باليوم اللي ينضموا فيه للإتحاد الأوروبي .. طب والحل؟ .. لازم روسيا تحتفظ بقوة عسكرية محترمة ممكن توصل 50,000 مقاتل بتسليحهم وأكلهم وشربهم ومتتخيلش إن (بوتين) مش حيقدر يقدم التضحيات دي لإن ده رجل مقتنع بفكرة إسمها العالم الروسي أو Russky-Mir.
دي حضرتك كانت بداية أكبر كارثة إنسانية في تاريخ البشر و يمكن أسوأ في رأيي من الهولوكوست حتي و هي ما يسمي تجارة العبيد عبر المحيط الأطلنطي أو Transatlantic Slave Trade .. خلال 350 سنة تم إجبار 12 مليون بني أدم إنهم يسيبوا أفريقيا بلدهم و يروحوا يموتوا في دول تانية ميعرفوش عنها حاجة في أوروبا و أميركا .. طبعاً فيه فروقات كبيرة بين بيزنس العبيد اللي كان متبع في مالي نفسها و بين الظروف اللي العبيد الأفارقة عاشوها في أوروبا و أميركا و ده موضوع يمكن نبقي نتكلم عنه وقت تاني عشان بس متحسش إني بحمل مالي مسئولية تجارة العبيد دي.
سنة 1324 يعني بعد 17 سنة من توليه الحكم مانسا (موسي) راح يحج بس الهدف من الرحلة كان إنه يقول للناس كلها العو جه العو حضر .. مفيش بني أدم راح يحج بالشكل ده لا قبل كده ولا بعد كده .. دي رحلة حج هدفها إن اللي ميعرفش يعرف إن فيه بلد مسلمة إسمها مالي و من مصلحة الدول الإسلامية كلها إنهم يتسابقوا علي مين اللي ينول شرف إنه يتقال عليه حليف لمملكة مالي .. اللي حقوله ليك دلوقتي ده حصل فعلاً و رغم إنك ممكن تشوفه إنه مبالغة لإن مستحيل حاجة زي دي تحصل بس صدقني حصل.
. حاول تبقي حاطط في دماغك إن FIFA أجبن من إنهم ياخدوا قرار زي ده من دماغهم .. (جياني إنفانتينو) في منصبه ده دلوقتي عشان فيه ناس إختارته و حيفضل في منصبه طول ما الناس اللي إختارته شايفه إنه حيحمي مصالحها و ده يفسرلك ليه التعاطف مع فلسطين يعتبر تدخل للسياسة في كرة القدم بس مساندة أوكرانيا تعتبر واجب أخلاقي علي أي بني أدم .. خليك فاكر دايماً إن شعار FIFA اللي المفروض يتحط علي اللوجو بتاعهم إن الجُبن سيد الأخلاق.
صحيح كتير من الأقمار الصناعية اللي بتطلق اليومين دول بيكونوا عشان التصوير و الإتصالات و التجسس بس السبوبة الجديدة اللي بتجيب فلوس زي الفل هي الأقمار الصناعية اللي بتوفر خدمة الإنترنت .. فيه شركتين هم اللي دايسين أوي في البيزنس ده اللي هم SpaceX و اللي بتعمل مشروع Starlink زي ما حكينا قبل كده و شركة تانية إسمها OneWeb.
ر سنة المنتدي يتعمل فيها سنة 2020 حضره بسم الله ما شاء الله 100 ملياردير و 53 رئيس دولة .. لنفترض إنك بتتكلم عن شركة أوروبية أو أميريكية زي مثلاً بما إننا جبنا سيرتها في المقدمة BMW الألمانية و حبيت تقعد تتكلم مع رئيس دولة ما إنت بتخطط تبني مصنع عندهم و بالمرة تتكلم مع كام ملياردير عشان يضخوا إستثمارات في شركتك.
السوبرماركت الدائري وهنا الاسم مش سببه إن المحل بتاعهم شكله دائري .. لا خالص .. اسم السوبرماركت الدائري دي معناها إن عندك سوبرماركت مفيهوش كاشير ومفيهوش حد بيعبي الحاجات اللي إنت إشتريتها في كياس بلاستيك وإنت خارج.
البيت مكانه قصاد ساحل جزيرة دونجشان Dongshan و علي بعد 500 متر من الشط .. البيت ده عشان يتبني إتكلف 61,000 دولار (يغني داخل في حوالي مليون جنيه مصري) و إستمر بناءه سنة كاملة .. الأساس بتاع البيت فكرته إنك عايز أبواب ألوماتال داير ما يدور عشان أيا كان إنت قاعد فين في البيت فإنت شايف البحر
مهم برده بالنسبة لي إنك تبقي فاهم المنطق بتاع (جون كيري) و (باراك أوباما) و أي مسئول أميريكي يقولك إحنا محتاجين الحرامية أكتر ما هم محتاجين لينا و المنطق ده هو الأتي إنك عشان تنقل بضاعة من كابول لقندهار مش زي إنك تروح بعربيتك من أكتوبر للتجمع .. الطرق في أفغانستان بيسيطر عليها أمراء حرب و بلطجية و زعماء قبائل و الناس دي عشان تعدي من أرضهم سالم أمن غانم لازم تدفع.
(بوتين) دلوقتي عنده مشكلة الناس هناك بتسميها مشكلة الأربعة و عشرين Problem 24 وهي بمنتهي البساطة إنك بتتكلم عن رجل عنده 72 سنة و داخل إنتخابات في 2024 لو كسبها حيبقي رئيس لفترة رئاسية جديدة مدتها 6 سنين يعني تقريباً (بوتين) عايز يبقي رئيس لحد ما يموت .. عشان ده يحصل (بوتين) مينفعش يبقي رئيس السلم .. هو لازم يبقي رئيس الحرب.
بناء علي كلام وكالة حماية البيئة الأميريكية فالمواطن الأمريكاني الواحد في المتوسط يعني بيرمي زبالة سنوياً حوالي 820 كيلوجرام والأغلبية العظمي من الكمية دي كلها عبارة عن زبالة أكل وورق .. لو بتسأل علي زبالة البلاستيك فأحب أقولك إن أميركا لوحدها سنة 2020 صدرت زبالة بلاستيك للعالم حوالي 630 مليون طن.
شركات السلاح في أميركا خلال سنة 2021 صرفت 98.9 مليون دولار علي أعضاء الكونجرس .. اللي بيحصل إن شركة زي لوكهيد مارتن Lockheed Martin واحدة من أكبر خمس شركات سلاح مش بس في أميركا إنما في العالم بتروح للمرشحين اللي داخلين الإنتخابات البرلمانية و تقولهم إحنا حنديكوا فلوس كتبرعات لحملتكوا الإنتخابية في مقابل لما حضراتكوا تخشوا الكونجرس مش حقول تشتغلوا لحسابنا بس خلينا نقول إنكوا تحطوا مصلحة الشركة في دماغكوا.