إنك تطلع تليسكوب فضائي من الأرض عشان يدور في مداره مسألة مش سهلة و ليها مخاطر كتير بس المهندسين بتوع NASA بيفكروا في حاجة مختلفة .. هو يجري حاجه لو فكينا التليسكوب لحتت و طلعنا كل حته لوحدها و جمعناه في بعضه في الفضاء؟ .. و النبي ما يجرا حاجة.
إنك تشتري سلاح فده زي إنك تروح تشتري عربية مستعملة بالضبط كل اللي إنت محتاج تعمله إنك تذاكر السوق كويس و تكون فاهم إنت بتبص علي إيه و إنت بتعاين العربية اللي حتشتريها عشان تفهم اللي حتشتريه ده عيوبه إيه و اللي بيبيعلك مغلي سعره ولا لا .. شراء السلاح مش علم ذرة .. هو مش صعب بس سهل أوي تتخزوق فيه.
كلمة إجهاد أو Stress دي كده زي ما أجي أقولك أنا عايزك تمسك كوباية مياة تفضل شايلها متتحركش .. فعلياً اللي أنا بقولك عليه ده مش صعب .. إنت فعلياً كل يوم بتملا كوباية مياة و بتشربها أكتر من مرة في اليوم.
في كوكب اليابان الشقيق لازم البنت تبان بمنظر معين المجتمع يوافق عليه و المجتمع هنا أنا قصدي به الرجل .. البنت اليابانية في المدرسة لازم شعرها يبقي أسود سواد الفحم ده معناه إنك مينفعش تصبغي شعرك و إنتي في المدرسة بأي لون مختلف و كمان لو ربنا خلقك لون شعرك مش أسود فإنتي بتبقي مُجبرة تصبغيه أسود.
لو معاك فلوس تشتري طيارات مقاتلة بس مش عارف تشتري ايه .. عايز حاجة كويسة بس متكلفكش كتير .. عندي طلبك يا معلم .. الطيارة الصيني J-10.
لما بتتكلم عن (أدام درايفر Adam Driver) في سنة 2019 فإنت بتتكلم عن ممثل إترشح لجايزتي أوسكار و توني .. عمل يمكن أهم 3 أفلام في السنة .. ممثل فعلياً نقل نفسه ضمن قائمة أهم و أنجح و أكتر ممثلين هوليوود اللي الناس بتجري وراهم.
القوات المسلحة الأميريكية هي أقوي كيان مسلح علي الكرة الأرضية ومفيش قوة مسلحة في العالم تقدر تفرض سيطرتها علي أي حتة زيها والحقيقة دي مش حتتغير في الكام سنة الجايين .. بس في سباق التسلح اللي حنشوفه في السنين الجايه بين روسيا وأميركا والصين فالروس مش حيقدروا يكملوا.
(ويلفريد انديدي Wilfred Ndidi) اتزحلق علي الكورة و قطع الكورة اكتر من اي لاعيب تاني في كل الدوريات الاوروبية الخمسة الكبيرة الموسم ده و يمكن عشان كده ليستر سيتي دلوقتي هم تاني الدوري الانجليزي باقوي دفاع.
المشكلة زي ما هي باينه عندك سلسلة و مش عارفين نحييها .. الحل زي ما قلتلك بسيط .. إعمل جزء جديد بحيث إنك تفترض إن أحداث الجزئين الثالث و الرابع و الخامس ولا كأنهم حصلوا .. عيش كأن الأفلام دي ولا كأنها إتعملت لإن خلينا نكون صرحاء مع بعض الأفلام الثلاثة فعلياً إتنسوا من ذاكرة أغلب الناس اللي بتتفرج علي أفلام أجنبي.
لما (محمد الثاني) طلع قانون بيسمحله انه يقتل اخواته فيه ناس كتير استغربت طب هي الناس سكتت ليه؟ .. هو ده مش ضد الدين؟ .. الحقيقه انك محتاج تفهم ان المواطن البسيط مش فارق معاه
كان يا مكان سنة 1514 الشرق الأوسط كان مقسوم بين 3 ممالك .. الدولة الصفوية الشيعية اللي إنت ممكن مجازاً تسميها إيران و بيحكمها الشاه (إسماعيل الأول) .. المماليك اللي إنت أكيد عارف إنهم في مصر و دول كان بيحكمهم (قنصوة الغوري) .. العثمانيين اللي هم الأتراك و وقتها بيحكمهم (سليم الأول) .. أقوي 3 دول مش بس في الشرق الأوسط يمكن في العالم وقتها و الحقيقة إن العلاقة بين الدول الثلاثة كانت غريبة جداً و لازم تتفهم.
من الجيل الذهبي لبرشلونة مفيش إلا 3 لاعيبه بس هم اللي مكملين في الفرقة لحد دلوقتي .. (ميسي Messi) بقي بيتصاب كتير و لما بيقعد علي الدكة الفرقة كلها بتعاني .. (بيكيه Pique) بقي عنده 32 سنة و البيزنس الخاص بتاعه بقي واخد جزء كبير من تفكيره و وقته .. (بوسكيتس Busquets) هو كمان كسر حاجز 31 سنة و طبيعي إنه يحتاج يستريح و ميلعبش كل الماتشات.
دبابات من طراز Abrams الأمريكان بدأوا يشتغلوا عليها في السبعينات و دخلت الخدمة في الثمانينات و لسه مكملة معانا لحد دلوقتي و الله أعلم حتطلع معاش إمتي.
في أول ماتش ليهم في الدوري الأميريكي الممتاز نادي إنتر ميامي اللي بيملكه (ديفيد بيكهام David Beckham) حيلعب قصاد فرقة LA Galaxy الفرقة اللي لعب فيها (بيكهام Beckham) في أميركا .. سكة معافرة مشي فيها (بيكهام Beckham) عشان النادي بتاعه يلعب أول ماتش له في الدوري.
أديك فهمت لما بتروح Zara أو H&M فالهدوم اللي إنت بتشوفها دي جايه منين .. اللي فعلاً بيطلع عينه وسط كل ده هي البنت المحجبة .. فكر فيها كده .. دلوقتي Zara بتسرق تصميماتها من شركات كبيرة أخر حاجة بتفكر فيها هي إنها تصمم هدوم لأي بنت محجبة.