حصلت خناقة كبيرة أوي بين الطرفين إنت لا تتخيلها لدرجة إن مشروع الدبابة M1 ده كان مهدد إنه يتلغي أصلاً لحد ما في الأخر وصلوا لحل وسط .. الحل كان إن النسخ الأولانية من الدبابة M1 حتنزل بمدفع M68 القديم و بعد كام سنة حيتشال المدفع ده و يتركب بداله مدفع M256 بس لما إن شاء الله تنزل النسخة الجديدة من الدبابة اللي هي M1A1 حتنزل بالمدفع M256 .. إنت ممكن تكون شايف ده حل وسط بس الضباط مكانوش شايفينه كده.
فيه مننا كتير من كتر ما لعبوا Call of Duty و Medal of Honor يقدروا يميزوا البنادق الألية من بعض .. يعني تلاقيه عارف ال AK-47 من الM4A1 Carbine .. بس لما بيجي الكلام عن تمييز بنادق القناصة تلاقيه مش فاهم الألف من كوز الدرة.
إحنا إتربينا علي إن السوبرهيروز بيجيبوا حق المظلوم .. هم إتكتبوا كده في الروايات و القصص المصورة اللي كنا بنقراها و إحنا صغيرين .. خد عندك شخصية زي سوبرمان مثلاً .. دي شخصية إتكتبت بعد فترة الكساد اللي ضربت أميركا في الثلاثينات و خلت فيه حالة إحباط عام بين الناس .. في القصص المصورة سوبرمان كان واقف في صف المواطن الغلبان و بيحارب الفساد اللي إستشري في المجتمع .. و مش لوحده.
الروس مبيعرفوش يصنعوا حاجة بتشتغل في صمت .. صوت موتور العربية اللادا نفسه تحس إن السليندرات بتتخانق مع عمود الكرانك والعربية كلها بتترج وهي شغاله .. الكلاشينكوف هي كمان كده .. الكلاشينكوف طريقة شغله عنيفة ولما بتيجي تستخدمه رد فعله أعنف من البنادق الأمريكاني وده سبب أساسي فيه هو إن الكلاشينكوف متصنع من الصلب في حين إن البنادق الأمريكاني متصنعه من ألياف الكربون
اللي حصل ده جاب صدمة نفسية للناس اللي مهتمه أوي بموضوع القنص ده إن أخر رقم متسجل لأطول عملية قنص في التاريخ كان بإسم قناص بريطاني إسمه (كريج هاريسون Craig Harrison) قتل واحد من طالبان في أفغانستان سنة 2009 من مسافة 2475 متر.
السر اللي ناس كتير عارفاه إن أحسن طريقة لغسيل الأموال إنك تجيب فلوسك الحرام تستثمرها في العقارات في دبي .. الفكرة إن دبي بتسمح لأي أجنبي معاه فلوس إنه يجي يشتري عقارات زي ما هو عايز بسرية مطلقة.
الحقيقة إن الB-52 فيها ميزتين ملهمش تالت .. الميزة الأولي إنها بتقدر تشيل كم صواريخ وقنابل كبير .. الميزة الثانية إنها بتقدر تشيل الصواريخ والقنابل دي لمسافات بعيدة بحيث إن الطيارة الواحدة بتقدر تطير 13,200 كيلومتر قبل ما تحتاج إنها تتفول بنزين.
أحب أطمنك إنك مسمعتش خالص عن المعركه دي لإنها معركة لسبب ما محدش فاهمه إتنست و أحداثها إتحطت في الدرج علي الرغم إن المعركة دي و اللي حصلت بين جيوش الدولة العباسية و جيش أسرة (تانج Tang) الصينية علي ضفة نهر طلاس Talas River اللي هو دلوقتي جوه دولة إسمها قيرغيستان هي السبب في إن الصين دلوقتي حدودها الجغرافية تبقي زي ما إنت شايفها.
عشان يبقي عندك ديموقراطية في بلد مش بس المطلوب منك إنك تعمل إنتخابات و نروح نحط صوتنا و خلاص .. انت محتاج يبقي عندك سلطة للقانون علي أطخن طخين في البلد و محتاج يبقي عندك فصل للسلطات إن مينفعش الرئيس يخلي القضاء يحكمله بالأحكام اللي علي مزاجه و محتاج يبقي عندك حرية إعلام و حقوق للمرأة و للأقليات.
لما الألمان صمموا الLeopard 2A4 كان في دماغهم إنهم يصنعوا دبابة سريعة تقدر تقف قدام غزو سوفيتي كاسح لألمانيا الغربية أيام الحرب الباردة .. دي دبابات إتصممت عشان تقف قدام الدبابات الروسي في حرب مفتوحة وعمر ما الألمان تخيلوا إنها حتستخدم في حرب عصابات ضد ناس معهاش غير عبوات ناسفة و صواريخ محمولة علي الكتف و في حرب الإعلام مركز عليها أوي لدرجة إن خبر تدمير دبابة تركية واحدة كفيل إنه يدي لأي حد إنطباع إن وكأن العملية العسكرية كلها فشلت.
بإختصار شديد الحرب زمان كانت بتتحسب بكام عسكري حيموتوا في مقابل أنا حيخش جيبي قد ايه فلوس .. زي ما قلتلك سيدنا (خالد بن الوليد) دخل معركة اليرموك و تحت إيده 36,000 مقاتل استشهد منهم 4,000 مقاتل في مقابل إنه قدر يسيطر علي الشام كلها و دخل لبيت مال المسلمين فلوس لو جيت تحسبها بإقتصاد دلوقتي حتلاقيها ترليونات الدولارات.
أول ناس فكرت تستخدم ميكس المتفجرات بتاع الوقود والهواء كانوا الأمريكان في حرب فيتنام .. الأمريكان في الحرب دي كانوا بيستخدموا النابالم اللي بقي محرم استخدامها دولياً ودي مادة حارقة زيها زي البنزين والسولار بس علي صورة جيل مش سائل فلما بيتم إسقاطه علي منطقة بيولع الدنيا علي نطاق واسع بس ده أخره إنه يعمل حريقة كبيرة وملوش قدرة تدميرية زي الذخيرة الحية.
خلينا نكون صرحاء و واقعيين مع نفسنا .. (أونج سان سو كي) مش هي اللي بتصدر الأمر للجيش إنه يقتل المسلمين و مش هي اللي بتعذب الروهينجا و حملات الإغتصاب لنساء المسلمين هناك مش بتم بعلمها ولا بموافقتها .. هي بس ساكتة و مش بتعمل حاجة و سايبه الجيش يعمل اللي هو عايزه.
بص يا إبن الحلال .. إنت من حقك تتكلم عن F-35 زي ما إنت عايز .. تقول عليها أحسن مقاتلة إتعملت في تاريخ البشر أو تقول عليها مجرد كذبة بتضحك بيها أميركا علي العالم .. في الأخر اللي حيحدد إنت صح ولا غلط إني أشوف هل المقاتلة F-35 لما بإذن الله تدخل الخدمة و تنفذ مهام قتالية هل قدراتها هي هي نفس اللي قيادة القوات الجوية الأميريكية كانت عايزاها؟
القصة دي بدأت في نوفمبر 2011 أيام ثورات الربيع العربي لو تفتكر .. بعد ثورات و مليونيات و مصادمات و إعتصامات وخناقات قرر الديكتاتور اليمني (علي عبدالله صالح) الله يرحمه إنه يسيب الحكم خالص و يتنحي و اللي يمسك مكانه هو النائب بتاعه (عبدربه منصور هادي) .. حركة كده زي حركة تنحي الرئيس (محمد حسني مبارك) الله يرحمه بس بدل ما (مبارك) إتحاكم في مصر ف(علي عبدالله صالح) قعد في السعودية مأنتخ و مفخد و ساب (عبدربه منصور هادي) يشيل الليلة.
اللي حصل في الحرب الكورية الأولي إن لما الصينين لقوا إن الأمريكان وصلوا لحدودهم مع كوريا الشمالية بدأوا عملية عسكرية ضد القوات الأميريكية لنجدة كوريا الشمالية .. ده إحتمال كبير يحصل تاني .. إنت ممكن القوات الأميريكية فجأة تلاقي نفسها معرضة لهجوم كاسح صيني أو روسي لنجدة كوريا الشمالية.