اللي حصل إن Hackers روس غالباً شغالين لحساب المخابرات العامة الروسية FSB استغلوا إن فيه ناس كتير جوه الحكومة الأميريكية سواء في وزارات الدفاع والخارجية والطاقة والعدل وجوه أجهزة المخابرات الأميريكية عاملين Install لKaspersky علي الكومبيوترات الشخصيه بتاعتهم فهم عملوا Hack أو إخترقوا الأجهزة دي عشان يدوروا علي الأسماء السرية Code Names بتاعة برامج التجسس الأميريكية .. الكلام ده من سنة 2014.
سنة 1933 وصل (أدولف هتلر) لحكم ألمانيا بوعد إنه حيرجع ألمانيا لمجدها تاني .. اللي كان الجنرال (هانز فون سيكت) بيعمله في السر عمله (أدولف هتلر) قدام الناس كلها .. هو قال للحلفاء في وشهم إتفاقية فرساي دي تبلوها وتشربوا ميتها .. بس مش دي النقطة اللي عايزين نركز عليها .. إذا كان (هانز فون سيكت) كان بيعيد بناء القوات المسلحة عشان ولاءها يبقي للشعب الألماني ف(هتلر) بدأ يبرمجها عشان ولاءها يبقي له هو شخصياً.
السعودية معندهاش مصانع سلاح .. السعودية معندهاش مصانع بنادق ألية AK-47 و معندهاش مصانع مسدسات و قنابل .. اللي بيحصل زي ما فعلاً حصل في الفترة من 2012 لحد 2015 إن المخابرات السعوديه إشترت عشرات الالاف من البنادق الألية و المدافع الرشاشة و قاذفات الصواريخ و أكثر من 350 مليون طلقة ذخيرة من دول شرق أوروبا زي ألبانيا و البوسنة و الهارسك و صربيا و الجبل الأسود .. السلاح ده كله بيتنقل بطيارات عسكرية سعودية لقواعد جوية أردنية و سعودية و إماراتية و بعد كده المخابرات السعودية بتوزع السلاح ده علي العناصر المسلحة الموالية للسعودية سواء في سوريا أو اليمن.
مشكلة الحرب الكورية إنها حرب حصلت في الخمسينات بس توقيتها خلاها تتحشر بين الحرب العالمية الثانية اللي إنتهت سنة 1945 و بين حرب فيتنام اللي بدأت سنة 1968 و ده مخلي الحرب الكورية مش واخدة الإهتمام اللي تستحقه في الإعلام الأميريكي ولا حتي العالمي.