سنة 2017 قيادة القوات البرية الأميريكية شكلت 8 فرق قتالية مشتركة كل فرقة تحت قيادة لواء أركان حرب عشان يقعدوا مع بعض و يلاقوا تصور لإيه هي الأسلحة اللي تبقي رخيصة و في نفس الوقت تضمن تفوق القوات المسلحة الأميريكية في أي حرب مستقبلية .. الأفكار اللي هم طلعوا بيها إتسمت “الستة الكبار Big Six”.
سنة 1991 فعلياً مستوي تسليح القوات المسلحة العراقية كان أعلي بكتير من القوات المسلحة الصينية .. سلاح الجو العراقي مثلاً كان تحت إيده أحدث مقاتلات سوفيتية في السوق .. العراقيين كان عندهم مقاتلات MiG-23 و MiG-25 و MiG-29 .. خلي بالك إحنا لسة شاريين الMiG-29 دي من كام سنة في حين إن العراقيين إشتروها أول ما نزلت .. ده في الوقت اللي سلاح الجو الصيني مكنش حيلته غير MiG-21 و الأقدم منها كمان MiG-19 اللي إحنا دخلنا بيهم حرب أكتوبر 1973.
في سبتمبر 2008 إسرائيل قدمت طلب رسمي إنها تستلم طيارة F-35 و الطلب كان إن إسرائيل عايزة 25 طيارة لو عجبتها حتشتري منها 50 طيارة كمان .. يعني هم كانوا ناويين يبقي عندهم 75 طيارة و ده رقم كبير بالمناسبة بس سببه إن الإسرائيليين كانوا مخططين إنهم يطلعوا الأجيال القديمة من طيارات F-16 اللي عندهم بره الخدمة.