تابعونا

البوم صور

كارثة بيئية .. البحر بقي مقلب زبالة بلاستيك.

موضوع الزبالة البلاستيك ده بقي كارثة بيئية بكل المقاييس لدرجة إن مجلة National Geographic في عددها بتاع شهر يونيو 2018 نزلت شوية صور عشان بس توريك حجم الكارثة اللي كلنا بلا إستثناء مشاركين فيها.

6 مارس، 2018 1.8 ألف

 موضوع الزبالة البلاستيك ده بقي كارثة بيئية بكل المقاييس لدرجة إن مجلة National Geographic في عددها بتاع شهر يونيو 2018 نزلت شوية صور عشان بس توريك حجم الكارثة اللي كلنا بلا إستثناء مشاركين فيها:

طائر يا عيني ملفوف بكيس بلاستيك من اللي انت بتحط فيه الخضار ده و اللي يخليك تضرب كف علي كف إن الصوره دي ألتقطت من مقلب زبالة في إسبانيا و المصور اللي خد الصورة هو اللي حرر الطائر.
سلحفاة بحرية إتلفت برده في شبكة صيد بلاستيك في البحر المتوسط علي ساحل إسبانيا برده .. السلحفاء عانت لحد ما طلعت.
الصورة دي ألتفطت من شط في جزيرة أوكيناوا اليابانية لكابوريا إتحشرت جوه علبة أيس كريم سابها واحد معندوش دم ع الرملة.
صورة لالاف من كياس البلاستيك الست دي جمعتها من المياه و ربطتهم في بعض عشان ينشفوا .. المنظر ده كان علي ضفة نهر بوريجانجا Buriganga River في ولاية إسمها داكا Dhaka في بنجلاديش.
شوية ضباع بتلاقي حاجة تاكلها في مقلب زبالة في منطقة حرار Harar في أثيوبيا.
زي ما انت شايف أزايز بلاستيك مالية سطح المياه بتاع نافورة مياة في العاصمة الإسبانيه مدريد .. اللي حصل ان فيه مجموعة من الفنانين مسميين نفسهم لوزين-تريبتوس Luzinterruptus خدوا 60,000 إزازة بلاستيك رموها في 3 نوافير مياه في ميادين مدريد عشان يصحوا الناس لكارثه التلوث البيئي من البلاستيك.
صورة من الصور اللي تخليك فعلاً تستوعب حجم الكارثة .. ربنا خلق حصان البحر عشان يقدر يعوم وسط التيارات البحرية بيمسك في ديله إما بورقة من ريم البحر أو أي أعشاب بحرية تانية .. في الصورة زي ما انت شايف هو شال سلاكة ودان .. الصورة دي ألتقطت في جزيرة سومباوا Sumbawa في أندونيسيا.

المصدر:

مقالة بعنوان Plastic Pollution: Images of a Global Problem .. نشرت علي موقع هيئة الإذاعة البريطانية BBC وده لينك المقالة الأصلية:
https://www.bbc.com/news/science-environment-44215881

الوسوم

مهندس ميكانيكا بحب الصحافه و الكتابه .. مؤمن بان من حق كل بني ادم انه يعرف الحقيقه ورا الخبر .. رسالتي انك تفهم حقيقه اللي بيحصل عشان لما تقرر رايك تكون فاهم انت بتقرر علي اي اساس

اترك تعليق

بريدك الالكتروني لن ينشر. يجب ملئ الخانات بعلامة *

من فضلك ادخل التعليق!

من فضلك ادخل الأسم!

من فضلك ادخل البريد الالكتروني!من فضلك ادخل بريد الكتروني صحيح!