موبايلك بيقتلك بالبطيء .. لا تخف ولكن إحذر.

لينك التسجيل الصوتي علي ساوند كلاود:
https://on.soundcloud.com/iWvb4

لو إنت من الناس اللي معاها Smartphone وعليه باقة إنترنت فإنت من الناس اللي حينطبق عليها الكلام اللي في المقالة دي .. حضرتك إنت طول اليوم موبايلك بيزن .. المنبه بتاعك الصبح بيزن عشان يصحيك من النوم .. إيميلات الشغل كل ما بتجيلك موبايلك بيزن .. كل ما تجيلك Notification علي Facebook أو رسالة علي What’s App أو Messenger موبايلك بيزن .. لو فكرت فيها حتلاقي إن عقلك و المنطق بيقولوا إن البشر دلوقتي وصلوا لمرحلة إنهم بقوا ميقدروش يعيشوا من غير تكنولوجيا .. إنت محتاج جروب الWhat’s App بتاع الشغل عشان ميفوتكش باص الشركة و محتاج الApp بتاع الإيميلات عشان تقدر تتابع أخبار الشغل حتي لو إنت أجازة و الموضوع مش قاصر علي الشغل بس لإن حاول كده تتخيل حياتك الإجتماعية من غير Social Media؟  .. بس علي الناحية الثانية بسبب التكنولوجيا فجسمك بيموت بالبطيء و أنا مش قصدي أرعبك بس الحقيقة اللي إنت محتاج تفهمها إن في كل مرة موبايلك بيزن هرمونات الضغط العصبي بتاعتك بتشتغل و نبضات قلبك بتزيد و معدل تنفسك بيعلي و مسام العرق بتاعتك بتوسع و حتي عضلات جسمك بتنقبض .. بإختصار شديد إنت اللي بيحصلك لما موبايلك بيزن هو نفس اللي بيحصلك لما حياتك بتتعرض لخطر و بالمعدل اللي موبايلك بيزن في اليوم إنت فعلياً بتقتل جسمك بالبطيء.

الApps اللي علي موبايلك بتساعدك إن تلبي إحتياجك النفسي إنك تبقي متابع اللي بيحصل حوليك و إنك تبقي علي تواصل مع الناس و صحابك و زمايلك في الشغل بس في نفس الوقت الApps دي ليها تأثير مدمر علي صحتك .. فيه دراسة إتعملت علي طلبة الكليات قالت إن 89% منهم بقوا بيحسوا بحاجة إسمها Phantom Phone Vibrations اللي هي هزة موبايل مزيفة يعني إنه يا عيني بيتخيل إن موبايله بيزن بس هو مبيزنش ولا حاجة .. دراسة تانية قالت إن 86% من الأمريكان كل شوية بيخشوا علي أكونتات الSocial Media بتاعتهم و ده لوحده بيشكل ضغط عصبي عليهم.

عشان الموضوع يتفهم علمياً بس .. زي ما بيقول دكتور (روبيرت لاستينج Robert Lusting) و ده واحد بتاع غدد صماء بيقول إن الNotifications الكتير اللي كل شوية تخلي موبايلك بيزن دي بتدرب عقلك إنه يفضل بشكل مستمر في حالة ضغط عصبي و ده معناه إن القشرة الجبهية أو Prefrontal Cortex و دي تبقي الجزء من المخ اللي بيتعامل مع أمور حياتك اليومية بيشتغل Overload يعني تقدر تقول إنه بيحرق بنزين .. حاول تتخيل إن مخك ده عبارة عن كومبيوتر و إنت مشغل كذا لعبة و كذا برنامج في وقت واحد فالProcessor بتاع الكومبيوتر مبيقدرش يستحمل المجهود ده كله و بيهنج و في الأخر بيحصله Shutdown اللي هو إنت بتشوفه إن الكومبيوتر محتاج يتعمله Restart بس في حالة المخ مفيش Restart فإنت بتشوف التهنيجة دي علي شكل أخطاء غبية إنت بتقع فيها و ده حيودينا للكلام علي نقطة مهمة و هي إننا كبشر مبنعرفش نعمل كذا حاجة في وقت واحد و إن اللي إحنا بنعمله إننا بنسوق و بنطبخ و بناكل و بنشتغل و إحنا ماسكين موبايلاتنا أكننا بنحرق رامات في مخنا.

إحنا كبشر مبنعرفش نبقي Multi-Tasking .. أنا لما بمشي في الشارع و بشوف الناس كلها سايقه و هي ماسكه موبايلاتها بسأل نفسي طب دلوقتي العلم بيقول إن 2.5% بس من إجمالي البني أدمين اللي عايشين علي الكرة الأرضية بس هم اللي بيقدروا يعملوا كذا حاجة في وقت واحد اللي هو يسوق كويس و هو مثلاً بيعمل Chatting علي موبايله فهل ده معناه إن المصريين بقدرة قادر هم أسياد الMulti-Tasking علي مستوي العالم؟ .. ده حقيقي .. العلم بيقول إن واحد بس من كل 50 بني أدم هو اللي ينفع يتقال عليه Multi-Tasker و باقي البشر العاديين مبيعرفوش غير إنهم يركزوا في حاجة واحدة بس فلما حضرتك تكون مثلاً سايق أو بتبطخ أو بتشتغل و يجيلك Notification علي موبايلك تقوم ماسك موبايلك تشوف مين بعتلك رسالة علي What’s App و إنت بتعمل اللي بتعمله فإنت كده بتضغط علي مخك إنه يشتغل Overload و ده بيتسمي Switch Cost.

اللي بيحصل إن لما حضرتك تكون مركز في حاجة معينة زي مثلاً السواقة فتمسك موبايلك فده بيعمل Load مفاجيء علي المخ بيستمر جزء من الثانية .. هي الحقيقة المشكلة مش في الجزء من الثانية ده قد ما المشكلة إن طول اليوم إنت بتمسك موبايلك كتير فبدل ما مخك بيتحمل بحمل زيادة و بشكل مفاجيء لمدة جزء من الثانية مرة واحدة في اليوم فإنت بتعيشه الحمل المفاجيء ده مئات المرات علي مدار اليوم و ده بيسبب إن في الأخر مخك بيهنج و بيبدأ يرتكب أخطاء .. بيقول دكتور (ديفيد ماير David Meyer) و ده دكتور نفسي متخصص في تأثير الSmartphones علي المخ إن الSwitch Cost ده لوحده بيستهلك 40% من قدرة المخ.

مش كده وبس .. دكتور (روبيرت لاستينج) اللي بس بفكرك إنه بتاع الغدد الصماء بيقول إن في كل مرة إنت بتبقي مشغول في حاجة تقوم سايبها و تمسك موبايلك و تعمل الحاجتين مع بعض فإنت كده بتخلي جسمك يفرز هرمون الكورتيزول و ده يبقي هرمون الضغط العصبي .. زي ما الSwitch Cost بيستمر لجزء من الثانية بس إنت بتعمله في نفسك مئات المرات طول اليوم .. فإنت في كل مرة بتمسك موبايلك تشوف Notifications جسمك بيفرز كمية من الكورتيزول و ده بيخلي إن القشرة الجبهية Prefrontal Cortex واللي بفكرك إن دي تبقي الProcessor بتاع المخ بتطلع بره الخدمة للحظات و في اللحظات دي بيفرز هرمون تاني اسمه الدوبامين Dopamine و اللي أيوه بالضبط ده الهرمون بتاع الإدمان.

بإختصار شديد .. إحنا كبشر مبنعرفش نبقي Multi-Tasking فلما حضرتك بتكون بتعمل حاجة معينة زي مثلاً إنك سايق عربيتك تقوم ماسك موبايلك تشوف مين أخر واحد عملك Comment علي صورتك علي Facebook فإنت كده بتعمل حمل زيادة علي المخ و مع الوقت و السنين مخك بيتعب و حتبدأ تغلط غلطات غبية بس سببها الإرهاق .. الأهم من كل ده إن مع الوقت إنت بتدمن الموضوع ده يعني حتوصل لمرحلة إنك حتبقي عايز تبطل تمسك موبايلك عشان صحتك بس مش حتعرف.

في النهاية فيه شوية حاجات لازم تبدأ تعملها عشان تحافظ علي صحتك:

• لو إنت بتحب القراءة إشتري كتاب بس بلاش تقراه كPDF علي موبايلك و فيه دراسات علمية كتير أثبتت إن الناس اللي بتقرأ كتب من ورق مطبوع بتفهم الكلام المكتوب أكتر من الناس اللي بتقراه علي شاشات موبايلاتها.
• دراسة تانية إتعملت في سويسرا أثبتت إن مسك الموبايلات كتير بيعمل مشاكل في شغل المخ و الأصابع.
• دراسة ثالثة عملت صدمة للعلماء اللي عملوها و هي إن مع كتر ما إنت بتعمل Scrolling علي Facebook App بتاعك علي موبايل و من كتر ما إنت عمال تعمل Chatting و من كتر ما بتعمل Like بتلاقي إن إشارات المخ بتاعتك لما بتراقبها بتلاقيها بتنط جامد .. الفكرة إن المنطق بيقول إنك لما تكون أول مرة تسوق و لسه بتتعلم سواقة فطبيعي لو حطيت مخك علي جهاز رسم مخ حلاقي إن إشارات مخك بتنط جامد لإن دي أول مرة إنت تسوق و لإن إنت متوتر و خايف فطبيعي إن رسم المخ بتاعك يوريني ده .. بعد مثلاً سنة سواقة و خلاص بقيت محترف فلما أحط مخك علي جهاز رسم مخ و إنت سايق حلاقي إن رسم مخك طبيعي مفيوهش نطات جامدة .. إحنا بقالنا كتير بنمسك موبايلاتنا فالطبيعي إننا وصلنا لمرحلة إننا لما نقضي ربع ساعة دلوقتي ماسكين الموبايل و فاتحين Facebook لو عملت رسم مخ ليا حلاقيه طبيعي لإني و أنا قاعد علي Facebook مش بفك قنبلة .. أنا علاقتي بالFacebook بقت أقوي من علاقتي بأبويا و أمي بس ده مبيحصلش .. إنت لو جيت عملت رسم مخ لأي حد ماسك موبايله و فاتح Facebook حتلاقي إشارات المخ بتاعته كأنه قاعد في إمتحان .. التفسير لده هو إن Social Media بتعمل لمخنا ضغط عصبي .. ليه محدش فاهم ولا عارف.

مفيش حد قال نرجع تاني نستخدم موبايلات نوكيا 3310 و نلغي باقات الإنترنت .. بس في نفس الوقت لما تلاقي الدراسات بتقول إن الناس اللي كل شوية بتفتح Facebook علي موبايلاتها تشوف إيه Notifications اللي جاتلها معرضين أكثر من أي حد تاني إن يجيلهم إكتئاب فإنت محتاج فعلاً إنك تقلل عدد الساعات اللي إنت بتقضيها علي الFacebook و باقي الApps علي موبايلك .. إنت محتاج تفهم إن أغلب الApps علي Google Play أو Apple Store بتتحط تحت بند اسمه Addictive Apps أو برامج الكومبيوتر اللي بتخليك تدمنها بمعني إنك لو مثلاً حطيت صورة ليك علي Instagram و جالك Comment عليها فالApp مصمم بحيث إن مخك يديلك إشارة إنك حاسس بالرضا .. تاني محدش قال إنك تمسك موبايلك تلغي كل الApps اللي عليه بس في نفس الوقت إنت محتاج يبقي ليك شوية تحكم علي نفسك .. زي ما إنت لما تحب تشرب سيجارة في الشغل بتقوم تروح في السلم تشربها فإنت كمان محتاج تتعامل مع موبايلك كأنه سيجارة لما تحب تستخدمه روح مكان معين في البيت إفتحه شوف إنت حتعمل إيه أو حتبص علي إيه و إقفل الإنترنت و خش الشقة عيش حياتك بعيد عن موبايلك .. ده لمصلحتك إنت و الله.

المصدر:
مقالة بعنوان This is what your smartphone is doing to your brain-and it isn’t good نشرت في مجلة Business Insider و ده لينك المقالة الأصلية:
http://www.businessinsider.com/what-your-smartphone-is-doing-to-your-brain-and-it-isnt-good-2018-3