لما ناس عايشين في بلد واحدة يتخانقوا مع بعض لمده 14 سنة و يفضلوا يقتلوا في بعض لدرجة إن يموت 250,000 بني ادم فانت مع الوقت بتفقد الأمل إن ممكن في يوم من الأيام الناس دي ربنا يهديها و تبطل اللي هي بتعمله ده .. بس الحمد لله ربنا ستر علي دولة ليبيريا اللي في غرب أفريقيا و الحرب الأهلية اللي دمرت البلد من 1989 لحد 2003 خلصت .. اللي حعرضه النهارده هو شوية صور صورها إتنين مراسلين حربيين إسمهم (تيم هيثيرينجتون Tim Hetherington) و (كريس هوندروس Chris Hondros) فضلوا قاعدين في ليبيريا طول فترة الحرب الأهلية لحد ما إتفاق السلام إتمضي سنة 2005 .. من الحاجات اللي تزعل إن الإتنين المصورين دول ماتوا وهم بيغطوا الحرب الأهلية الليبية سنة 2011 .. الصور دي مجرد تذكرة إن إزاي البشر ممكن يبقوا أوسخ كائن ربنا خلقه و في نفس الوقت في لحظة ربنا بيهديه و يفتكر إن العنف و الدم و القتل مش بيجيبوا نتيجة.
المصدر:
مقالة بعنوان Photos: How a brutal, 14-year civil war tore apart Africa’s oldest republic .. صور: إزاي حرب أهلية إستمرت 14 سنة دمرت أقدم جمهورية في أفريقيا .. نشرت علي موقع Quartz.com و ده لينك المقالة الأصلية:
https://qz.com/africa/1459254/liberias-civil-war-in-photos-child-soldiers-rape-then-peace/
