الأرماتا .. لما تاخد اللادا و تخليها مرسيدس.

لينك التسجيل الصوتي للمقالة علي Sound Cloud:
https://soundcloud.com/user-112011687-312727988/2lgntturytad?si=7a518b5aabe74ff7a5d37deafcb6df1a&utm_source=clipboard&utm_medium=text&utm_campaign=social_sharing

موضوعنا اللي حنتكلم عنه النهاردة هو الدبابة اللي قدامك في الصورة دي .. دي حضرتك تبقي أحدث دبابة روسية و الروس بيسموها T-14: Armata أو أرماتا .. الدبابة دي فيها 3 إختلافات رئيسية عن أي دبابة تانية في فئتها:

• هم أولاً خلو الطاقم بتاعها مكون من 3 أفراد مش أربعة و ده الStandard أو التصميم اللي إتعودنا عليه و حتشوفه مثلاً في دبابات M1A1 Abrams الأميريكية .. اللي عمله الروس إن مهمة تعمير المدفع الرئيسي بالقذائف بقت بتتم أوتوماتيكي و مش عن طريق بني أدم .. فكده قمرة القيادة بقت بتشيل 3 أفراد بس و كمان بقت مصفحة.
• ثانياً هم خلو المدفع عيار 125 مليمتر و مش بس بيقدر يطلق قذائف مدفعية إنما ينفع يطلق صواريخ.
• ثالثاً و ده المهم إنهم حطوا نظام جديد إسمه Active Protection System أو APS إختصاراً و هو ده المشكلة و ده اللي حنركز عليه كلامنا في المقالة.

السؤال دلوقتي هو نظام APS ده بيشتغل إزاي؟

• عندك جندي مشاة بيطلق مثلاً صاروخ Javelin أو صاروخ RPG علي الدبابة Armata.
• فيه عندك مجموعة حساسات Sensors متوزعة حول الدبابة بتلقط الصاروخ و هو جاي.
• فيه رادار تتبع Tracking Radar بيبدأ يحسب هو الصاروخ اللي جاي ده حيضرب الدبابة في أي مكان بالضبط؟ و بعد كام ثانية؟
• بعد كده نظام APS بيبدأ ينشر الإجراءات الوقائية أو Countermeasures.
• الإجراءات الوقائية دي أو Countermeasures ممكن مثلاً تكون مدفع رشاش صغير يبدأ يطلق رصاصات علي الصاروخ و هو جاي و ده في حالة إنك أطلقت علي الدبابة صاروخ RPG ود ي إختصار Rocket Propelled Grenade أو ممكن تبقي Flares زي اللي موجودة في الطيارات المقاتلة بحيث صاروخ Javelin و اللي بيجري علي الحرارة اللي طالعة من محرك الدبابة يجري ورا Flares بدل ما يروح يستهدف الدبابة.

إنت كمهندس بتصمم دبابات عارف إن أخطر تهديد للدبابة هو حاجتين:

• المدفع الرئيسي للدبابات المعادية لإن في معارك الدبابات لو دبابة M1A1 Abrams أطلقت قذيفة مباشرة علي برج الدبابة Armata فكل سنة و إنت طيب عليها مهما كان درع الدبابة الروسي عامل إزاي .. النقطة دي إنت كمهندس عشان تتغلب عليها مفيش قدامك غير إنك تحسن من القدرات الهجومية للدبابة عشان تدمر العدو قبل ما يدمرك.
• التهديد التاثي و ده الأهم هو الصواريخ المحمولة علي الكتف و ده اللي نظام APS معمول علي شانه ..  عندك مثلاً صاروخ RPG ده مدفع خفيف بيتشال علي الكتف بيطلق صاروخ صغير لا هو سريع ولا هو قوي إنما بيعتمد في تدميره للدبابة علي التفاعل الكيميائي اللي بيحصل بمجرد ما ينفجر في جسم الدبابة .. إنت برده كمهندس عشان تتغلب التهديد ده عندك كذا حل .. ممكن تستخدم Reactive Panels و دي عبارة عن متفجرات بتتوزع علي جسم الدبابة داير ما يدور عشان لما صاورخ RPG ينفجر فيها بدل ما الإنفجار يمشي لقدام لجسم الدبابة يمشي لورا بعيد عن جسم الدبابة .. ممكن تخلي درع الدبابة عبارة عن طبقتين بينهم فراغ بحيث لما الصاروخ ينفجر ينفجر بره جسم الدبابة مش جواها .. بس نظام APS حاجة تانية خالص.

نظام APS عامل زي ما يكون نظام دفاع جوي بس للدبابات .. ده نظام فكرته مبنية علي إن عندك رادار و الرادار ده بيلقط الصواريخ المضادة للدبابات و بيبدأ يتعامل معاها إما يضربها بمدفع رشاش صغير فتنفجر و هي جايه في السكة أو ينشر Flares تخلي الصاروخ يجري وراها بدل ما يستهدف الدبابة

علي قد ما فيه ناس فرحانة أوي بالكلام ده لإنهم شايفين إن السلاح الروسي أحسن من السلاح الأمريكاني بس أحب أضايقكم و أقولكم إن فكرة APS دي مش الروس اللي إخترعوها إنما الإسرائيليين .. أيوه زي ما قريت .. الإسرائيليين .. أول دبابة يتجرب عليها نظام APS ده كان الدبابات الإسرائيلية ميركافا Merkava و إتجرب فعلاً في أخر عملية عسكرية تعملها إسرائيل في قطاع غزه و الإسرائليين لما جربوه لقوه شغال بس محتاج شوية تعديلات .. نظام APS اللي الإسرائيليين عملوه سموه نظام تروفي Trophy System و لما إتجرب في المعارك الأمريكان و البريطانيين أعجبوا أوي بالفكرة و بدأوا يشتغلوا عليها بس الروس هم أول ناس يركبوه فعلاً علي دباباتهم.

الدولة الوحيدة اللي لاحظت و خدت بالها إن نظام APS ده مصيبة سودا علي كل الدول الأعضاء في حلف شمال الأطلسي ناتو NATO كانت صدق أو لا تصدق هي النرويج .. لا أمريكا و لا بريطانيا و لا حتي تركيا .. النرويج .. فكرة إن الروس بقوا يركبوا نظام APS علي دبابات Armata خلي وزارة الدفاع النرويجية مش بس إنها تفكر إنما هي قررت فعلاً إنها تستبدل مخزونها من الصواريخ المضادة للدبابات المحمولة علي الكتف خصوصاً صواريخ جافلين Javelin و هو زي ما قلت مجرد صاروخ بيتشال علي الكتف مضاد للدبابات .. الميزانية العسكرية للنرويج لسنة 2018 بتقول إنهم ناويين يصرفوا ما بين 200 ل350 مليون كرونر و دي عملة النرويج و المبلغ ده بيعادل ما بين 24 ل42 مليون دولار عشان يستبدلوا مخزونهم من صواريخ Javelin بصواريخ تانية تنفع تستخدم ضد نظام APS .. من أوائل الناس اللي خدت بالها من إضافة نظام APS علي دبابات أرماتا Armata و خدت بالها برده من اللي بتعمله النرويج واحد إسمه (بريج بن باري Brig Ben Barry) شغال في المعهد الدولي للدراسات الإستراتيجية International Institute for Strategic Studies أو IISS إختصاراً و اللي موجود في العاصمة البريطانية لندن و الرجل ده بيقول إن نظام APS حيعمل مشكلة كبيرة للقوات المسلحة لدول NATO و اللي ولا واحدة فيهم بإستثناء النرويج خدت بالها من المصيبة دي.

المصدر:
مقالة بعنوان Should Russia’s new Armata T-14 tanks worry NATO? نشرت في موقع هيئة الإذاعة البريطانية BBC و ده لينك المقالة الأصلية:
http://www.bbc.com/news/world-europe-40083641