تاريخنا مليان احداث و معارك و حروب و صراعات منعرفش عنها حاجه او معلوماتنا عنها قليله اوي .. حنحاول نغير ده في المواضيع اللي بنتكلم فيها
الأتراك في طبيعتهم شعب بيخاف من الحسد و التشاؤم عندهم بيجري في دمهم مع كرات الدم الحمرا و البيضا .. (سليم الأول) توفي سنة 1520 ميلادي اللي هي 925 هجري .. (سليمان) إتولد سنة 900 هجري و كان عنده 25 سنة لما مسك الحكم كعاشر سلاطين الدولة العثمانية.
تفتكر ليه (أوكتافيوس) عمل كده؟ .. ليه كلف نفسه و صرف و دفع فلوس عشان يعمل تمثال ل(كليوباترا) يعرضه في موكب نصره؟ .. خلي بالك إن الموقف ده أو اللي عمله (أوكتافيوس) ده هو اللي خلي إسم (كليوباترا) يتحط ضمن قايمة الشخصيات الخمسة في التاريخ من حقبة ما قبل الميلاد اللي الناس كلها فاكراهم.
فكر فيها كده .. السعودية و الكويت و العراق كانوا تحت إيد الدولة العثمانية .. 3 دول فيهم أكبر إحتياطيات النفط في العالم في الوقت اللي السفن بدأت تنتقل من مرحلة إنها تمشي بالفحم إلي إنها تمشي بالبنزين .. ده لوحده يخليك تقول يا سلاااام بشوية تفتيح مخ و الدولة العثمانية تقدر تستغل ده في إنها تبقي أكبر تاجر بترول في العالم.
و لسه دم (يوليوس قيصر) سايل علي سيراميك مجلس الشعب قامت الحرب الأهلية الرومانية الثانية .. الحرب دي قامت بين الناس اللي قتلت (يوليوس قيصر) ضد أنصار (يوليوس قيصر) و اللي الحقيقة أهم شخصيتين لازم نقف قدامهم في الحرب دي هم (ماركوس أنطونيوس) و (أوكتافيوس).
في سبتمبر 48 قبل الميلاد (يوليوس قيصر) بيوصل بجيوشه للإسكندرية وهو بيسأل سؤال واحد بس .. (بومبي) فين؟ .. (يوليوس قيصر) جاتله رسالة من (بطليموس الثالث عشر) إنه محضرله مفاجأة حيوريهاله أول ما يوصل للقصر الملكي .. فعلاً (يوليوس قيصر) بيروح و بيلاقي (بطليموس) بيقدمله طبق عليه راس (بومبي).
وسط كل الهري ده أرجوك متنساش إن كان فيه صداع إسمه الحرب العالمية الأولي و الحرب دي لازم تخلص .. كتير من الروس سواء بلاشفة أو غير بلاشفة اللي مؤمنين أوي بالفكر الإشتراكي كانوا شايفين إن دولة إمبريالية يعني إستعمارية زي ألمانيا مينفعش بأي حال من الأحوال نمضي معاها إتفاق سلام.
روسيا في الحرب العالمية الأولي كانت بتحارب ألمانيا .. لو الألمان كسبوا الحرب فكده مفيش أي حاجة تمنع أن أنصار القيصر (نيكولاي الثاني) يرجعوه تاني للحكم .. ليه؟ .. القيصر هو اللي كان ماسك روسيا في الحرب ولما شلتوه عشان ثورتكوا الفاشلة دي خسرنا الحرب .. هو طبعاً الثورة مش هي السبب الأساسي ورا هزيمة روسيا في الحرب العالمية الثانية بس هو الموضوع حيتقدم كده للناس.
زمان وقت القصة اللي بنحكيها إنتصار أو هزيمة الجيش بيعتمد بشكل انت لا تتخيله علي توقيت إعلان التعبئة العامة .. كلمة تعبئة عامة أو General Mobilization هي إنك تقول لكل ضباط و عساكر الجيش إتجمعولي في مكان معين حنقولكوا عليه .. كل ضابط متحضرله الحاجات اللي هو حيعملها .. أكل و تسليح و بنزين العساكر كلهم جاهز .. ده كمية شغل بياخد أسابيع و اللي بيتأخر فيه بيخسر الحرب.
المرحلة الثالثة دي اللي ناس كتير بتركز عليها و الصراحة عندهم حق .. انت بتتكلم عن فترة 6 أسابيع إتعملت فيهم 116,000 غارة جوية إترمي فيها 88,500 طن قنابل تمهيداً غزو بري مقعدش أكتر من 100 ساعة وكان خلص.
قدام الناس الإسرائيليين حتلاقيهم بيقولوا إن ضربهم لمفاعل تموز هو اللي أنهي المشروع النووي العراقي .. ده إسمه هراء و هري و هبد .. سنة 1981 المشروع النووي العراقي تحول من مشروع سلمي قدام الناس لمشروع عسكري من تحت الطرابيزة .. زي ما قلتلك في الأول خالص إن التقديرات كانت بتقول إن العراقيين محتاجين علي الأقل 10 سنين عشان يعملوا قنبلة نووية .. سنة 1991 يعني بعد 10 سنين بالضبط (صدام) هو اللي دمر مشروع النووي بنفسه لما قرر يغزو الكويت.
أحلي سنين في حياة (هارون) هم اللي عاشهم بعد ما بقي خليفة .. الرجل مفخد وفعلياً مبيعملش حاجة في حياته .. أمه (الخيزران) كانت هي الخليفة فعلياً وهي اللي كانت بتحكم .. أستاذه (يحيي بن خالد بن برماك) بقي وزيره اللي هو تقدر تقول منصب رئيس الوزراء دلوقتي .. عيال (يحيي) اللي هم (جعفر) و (فضل) كانوا صحاب (هارون) و أقرب مستشاريه.
يوم 12 يوليو 1943 جه اليوم اللي السوفييت كانوا بيحضروله .. اليوم اللي كانوا متخيلين حيبقي يوم النصر .. يوم الريمونتادا .. دبابات اللواء الخامس مدرعات لفت حول القوات الألمانية في كورسك .. معركة بأكتر من ألف دبابة .. يوم صعب يتكرر تاني في تاريخ البشر .. يوم إنتهي بهزيمة كارثية للروس .. ده حقيقي علي فكرة .. المؤرخين الروس راسهم و ألف سيف إن اليوم ده كان يوم جامد زحليقة ليهم بس الواقع مكنش كده .. دي واحدة من أكاذيب الروس حول إنجازاتهم في الحرب العالمية الثانية.
فيه أيام بتبقي سودا في تاريخ البني أدمين .. في حياة كل واحد فينا فيه يوم أتمني و بدعي ربنا إنه ميكونش حصلك و لو نصيبك إنك شفته فده اليوم اللي بيكون نفسك تنساه .. يوم 23 أغسطس 1942 كان اليوم اللي (أندري يوريمينكو Andrey Yeryomenko) نفسه ينساه .. (أندري) كان قائد القوات السوفيتية في ستالينجراد و اللي كان تحت إيده الجيش 62 و الجيش 64 مشاة و اللي كان المطلوب منه إنه يلاقي طريقة ينقذ بيها مدينة ستالينجراد.
زمان وقت القصة اللي بنحكيها إنتصار أو هزيمة الجيش بيعتمد بشكل انت لا تتخيله علي توقيت إعلان التعبئة العامة .. كلمة تعبئة عامة أو General Mobilization هي إنك تقول لكل ضباط و عساكر الجيش إتجمعولي في مكان معين حنقولكوا عليه .. كل ضابط متحضرله الحاجات اللي هو حيعملها .. أكل و تسليح و بنزين العساكر كلهم جاهز .. ده كمية شغل بياخد أسابيع و اللي بيتأخر فيه بيخسر الحرب.
لأربعين سنة بعد ميلاد ألمانيا زي ما قلتلك فضلت الدنيا هادية بسبب شغل ناس زي (أليكساندر الأول) و (أوتو فون بسمارك) بس الوضع إختلف بداية من سنة 1900 .. دي الفترة اللي القدر إبتلي بيها أوروبا بإتنين حكموا أقوي دولتين في العالم وقتها .. (أليكساندر الثاني) جه بعد أبوه يمسك روسيا .. و القيصر (فيلهالم الثاني) جه مسك ألمانيا و أول قرار خده كان إنه يقلش (أوتو فون بسمارك).
الوضع ده خلي دولة الموحدين تمضي إتفاقية سلام مع الممالك المسيحية في الأندلس .. أيوة زي ما قريت .. عشان بس تعرف إن الموحدين كانوا ظالمين المرابطين .. عشان تعرف إن الحكم و السياسة بيخلوك غصب عنك تقدم تنازلات .. عشان متتحمقش أوي كده و تقول انا ححكم بشرع الله وتقعد تكفر أي حد بيختلف معاك في الرأي .. السياسة نجاسة ودي أهم قاعدة.