تاريخنا مليان احداث و معارك و حروب و صراعات منعرفش عنها حاجه او معلوماتنا عنها قليله اوي .. حنحاول نغير ده في المواضيع اللي بنتكلم فيها
(أوزوريس) قرر إن الخناقة دي مش بتاعته وقال إنه حيعتزل الحكم ونفي نفسه لعالم الأموات عشان يبقي هو القاضي اللي روح الميت حتقف بين إيديه لما يموت ويمسك القلب يقيس مدي نقاءه علي ميزان من الذهب قصاد ريشة بيضاء بتمثل الكود بتاع معات.
شهور بس كانوا خدوا بورما اللي هي ميانمار دلوقتي و خدوا أندونيسيا و ماليزيا و الفلبين .. بداية من يونيو و اليابانيين بيقولوا لنفسهم إن جه الوقت إننا نضرب أميركا بالقاضية.
مهم تكون فاهم إن (هتلر) باع لشعبه فكرة إن الحرب دي قامت بسبب اليهود وهم صدقوه .. لما الدنيا فرقعت في وشه و الحلفاء بقوا يضربوا المدن الألمانية بالطيران بعد ما كان الألمان هم اللي بيضربوهم ف(هتلر) مش يقول لشعبه إن ده بسبب إن إحنا بنخسر الحرب .. لا خالص .. هو قالهم إن الحلفاء بيضربونا عشان ينتقموا من اللي إحنا بنعمله في اليهود رغم إن فعلياً الحلفاء مكنش فارق معاهم.
من بعد 2008 لما (فلاديمير بوتين) مسك الحكم بدأت وجهة النظر دي تتغير .. بدأ الكلام علي إن إحنا مخسرناش في أفغانستان .. الأمريكان هم السبب .. لولا صواريخ ستينجر اللي وكالة المخابرات المركزية الأميريكية كانت بتديها للمجاهدين الأفغان لكانت أفغانستان دلوقتي جزء من الإمبراطورية السوفيتية .. المشكلة إن (بوتين) فعلياً واخد أميركا شماعة.
إغتيال (ياماموتو) بيحطك قدام سؤال جديد .. هو إغتيال قائد في جيش معادي جريمة حرب ولا عمل مشروع؟ .. حط المقارنة دي قدامك .. دلوقتي الأمريكان جاتلهم معلومة إن قيادي معين في داعش مستخبي في بيت في سوريا .. بتطلع طيارة بدون طيار Drone تضرب صاروخ علي البيت تجيبه الأرض .. هنا انت بعت طيارة عليها علم أميركا فوق دولة قانوناً مش في حالة حرب مع أميركا وضربت بيها واحد مش لابس زي عسكري عليه علم سوريا ومات في الغارة دي مدنيين ملهمش أي ذنب غير إنهم كانوا في الوقت الغلط في المكان الغلط.
عسكرياً مفيش حد عاقل ميقدرش يقول إن إسرائيل مكسبتش الحرب .. دول وصلوا لحد 15 كيلومتر من القناة وخدوا شرم الشيخ ودخلوا مقر القيادة العسكرية في العريش .. سواء بقي إنت في صف إنهم كسبوها لإنهم بيفهموا أو كسبوها لإننا إدينالهم سيناء عشان نحمي القناة فمش دي قضيتي .. طب أزيدك من الشعر بيت .. مش حتفرق إذا كانت إسرائيل كسبت الحرب عسكرياً أو لا.
أول مرة اليابانيين يطلقوا الطيارة دي زي الكلب السعران في الحرب العالمية الثانية كانت في يوليو 1940 .. في اليوم ده 13 طيارة Zero إشتبكت مع 26 طيارة روسية من طراز I-16 و I-53 و وقعتهم كلهم في معركة مستمرتش أكتر من 3 دقايق .. لما تستوعب اللي حصل ده كمل قراية و لو لسه مستوعبتش خد وقتك مش مستعجلين .. العالم كله صحي علي إعجاز تصميم الطيارة Zero لما خبر تدمير الأسطول الأميريكي في بيرل هاربور سمع في العالم كله.
في الحرب الكوريه فيه حد في القوات البحريه هبد الهبده التمام بان اكبر تهديد بيواجه الاسطول الاميريكي هو ان السوفييت يبعتوا قاذفه بتشيل قنبله نوويه عشان ترميها فوق الاسطول الاميريكي وهو في البحر .. قاذفه دي عباره عن طياره كبيره شويه شايله قنبله نوويه بترميها فوق هدف ما .. في راي (زين الهابدين ابن حموده) اللي هبد الهبده دي فالحل الوحيد عشان الطيارين الامريكان يواجههوا الخطر ده هو انهم ينسوا خالص مباديء الDogfighting
جت حرب أكتوبر خدتنا كف علي وشنا عشان تقولنا أصحوا .. طول ما فيه حروب و طول ما فيه علم و طول ما فيه ناس بتفكر ياما حنشوف إبتكارات و مفاجأت .. محدش كان متخيل إن حتحصل معارك دبابات تاني زي اللي حصلت في الحرب العالمية الثانية بس سيناء شافت أضخم معركة دبابات في التاريخ لحد وقت الحرب .. محدش كان متخيل إن حيجي اليوم و نلاقي عسكري ماسك Joystick زي بتاعة الأتاري و PlayStation و بيتحكم في صاروخ بكابل عشان يطيره لحد ما يدمر به دبابة.
اليونان زمان كانت حضارة كبيرة أوي بتتسمي الحضارة الإغريقية .. فكك من إسمها .. إذا كانت مثلاً الحضارة المصرية القديمة كانت قايمة علي فكرة إن فيه حاجة إسمها فرعون و فرعون ده هو الحاكم اللي بيحكم مصر كلها بحيث إن زي ما بتسمع دلوقتي عن حاجة إسمها الشرعية اللي هي المبرر اللي عشانه أهل البلد بيسيبوا حد معين يحكم .. فالشرعية اللي فرعون بيحكم بيها إن والله هو ده اللي موحد مصر ومن غيره المولد ده كله بيتفض .. اليونان كانت مختلفة شوية.
صحيح إن القوات البرية العراقية حققت تقدم محترم في الأيام الأولي للحرب لحد ما وصلوا لمدينة خوزستان الإيرانية بس مع الوقت تقدمهم بقي بيتقاس بالسنتيمتر مش بالكيلومتر لحد ما التقدم ده وقف خالص مع صلابة المقاومة الإيرانية .. شوية و الحرب قلبت علي حاجة شبه حروب الخنادق بتاعة الحرب العالمية الأولي اللي هو جيشين حافرين خندقين قصاد بعض و راصينهم عساكر و مدافع رشاشة و لا ده عارف يتقدم ولا ده عارف ياخد من التاني لا حق ولا باطل.
الهان كانوا متوحشين لدرجة إن الناس اللي عايشين في الإمبراطورية الرومانية و اللي بس بفكرك إنهم مسيحيين تخيلوا إن أكيد دول يبقوا (يأجوج) و (مأجوج) و إن أكيد (المهدي المنتظر) حيجي عشان يهزمهم و القيامة تقوم .. أيامها إتقال برده إن (الإسكندر الأكبر) لما راح أسيا قابل الهان دول و خاف منهم لدرجة إنه بني سور يحمينا منهم و كتب علي السور ده إنه لو إتهد فالقيامة حتقوم.
كم الغل والحقد اللي جوه (حسن الصباح) خلاه يفضل يمشي علي رجله من سوريا للعراق لحد الحدود الإيرانية الأفغانية دلوقتي يفضل يدعوا الناس إنها تنضم له لحد ما قابل قلعة مبنية من الحجارة كان الناس بيسموها قلعة الموت أو شاه دز .. جنب القلعة هو لقي كهف خده مقر له وفضل قاعد فيه .. منطق (حسن الصباح) اللي إنت محتاج تفهمه إن (نزار) هو الخليفة الشرعي للمسلمين ولإنه خليفه المسلمين فهو معصوم من الخطأ.
الروس و الألمان كانوا بيستخدموا القناصة كتير خصوصاً الروس يمكن أكتر بكتير من ما الأمريكان أو البريطانيين أو حتي اليابانيين كانوا بيستخدموا القناصة في الحرب العالمية الثانية .. السجلات الألمانية مليانة بقصص إزاي إن العساكر الألمان كانوا بيترعبوا من القناصة السوفييت وإن إزاي القناصة السوفييت كانوا بيصطادوا الألمان علي حسب الرتب يعني الأولوية للرتب الكبيرة و يجي بعد كده العساكر اللي ماسكين مهام خطر زي مثلاً عساكر الإتصالات و العساكر اللي بيمسكوا المدافع الرشاشة.
أول مرة الرومان يعرفوا إن فيه حاجة إسمها (كليوباترا) لما جيشهم جه مصر عشان يحتلها .. الرومان كان ليهم إسلوب لطيف أوي في الإحتلال .. هم مكانوش زي المسلمين .. لما سيدنا (عمرو بن العاص) رضي الله عنه جه مصر هو مأجبرش حد يخش في الإسلام بس كان جزء مهم من طبيعة شغله إنه يبدأ يعرف أهل مصر بيعني إيه إسلام؟
لما البرازيليين ركبوا دماغهم وإجتاحوا أوروجواي كان رد باراجواي إنها إستولت علي سفينة برازيلية كانت ماشية في نهر جوه الأراضي بتاعة باراجواي ودي كانت الشرارة اللي بدأت الحرب .. ومن هنا بدأت أغرب سلسلة قرارات عسكرية تخليك تقول لنفسك هو المشير (عبدالحكيم عامر) الله يرحمه كان هو اللي ماسك الجيش بتاع باراجواي ولا إيه؟