تفتكر ليه الناس حبت شخصية زي (سليم الانصاري) اللي قدمها (امير كرارة) في مسلسل كلبش؟ احنا بنحب الضابط الباشا اللي معندوش مشكلة يقتل شوية حرامية و مجرمين بدم بارد عشان يحمي الابرياء اللي ملهمش ذنب .. بنحب اوي الشخصية اللي بيعمل الغلط باسم الصح.
زي ما الأبحاث العلمية اللي بتتعمل علي الدايت وإيه أحسن نظام دايت ممكن تمشي عليها فيها هري كتير فكمان الأبحاث العلمية اللي بتتعمل علي الجنس فيها هري كتير أو علي الأقل ده اللي بيقوله (روب بيركنز) وده رجل أسس حاجة إسمها OMGYes ودي مؤسسة تقدر تسميها Google بتاعة الأبحاث المتعلقة بالجنس.
تقدر تقول إن (لورينزو إيبيسيلو Lorenzo Epecilio) يعتبر قصة نجاح لفكرة Moneyball أو إستخدام الإحصائيات في إنك تختار بيها تشتري وتبيع مين لإنه بعد شهر واحد بس من شراه قدر يجيب الجون اللي خلي ريدستار بيلجراد يتأهل لChampions League.
القوات الأميريكة كلها علي بعضها اللي أفغانستان زي ما قلت ميجوش 14,000 بني أدم ودول مش كفاية إنهم ينظموا المرور في مدينة زي القاهرة الكبري وده معناه إن الإستراتيجية الأميريكية رجعت تاني تعتمد علي القصف الجوي اللي و المصحف الشريف ما بيجيب أي نتيجه طالما انت معندكش قوات علي الأرض.
لسنين كان رأي الناس اللي بتفهم في شركات الطيران إن لازم واحدة فيهم تشتري الثانية .. يا الإمارات تشتري الإتحاد يا الإتحاد تشتري الإمارات و ده اللي إحنا بنسمعه اليومين دول إن فيه صفقة إستحواذ كبيرة حتتم .. أظن السؤال اللي أنا عايز أسأله ليك: تفتكر مين يشتري مين؟ .. المنطق بيقول إن الكبير يشتري الصغير .. الشركة اللي ليها تقل أكتر في السوق هي اللي حتشتري فخليني أصعب عليك السؤال أكتر و أسألك تفتكر هو إيه الفرق بين الإتحاد و الإمارات؟
سنة 2012 الإسرائيليين و الألمان إتفقوا علي إن إسرائيل حتستلم 3 غواصات كمان و الألمان كانوا عارفين إن الإسرائيليين حيستخدموا الغواصات دي عشان يحطوا عليها صواريخ بتشيل رؤوس نووية بس يمكن اللي خلي المستشارة الألمانية (أنجيلا ميركل Angela Merkel) توافق علي الصفقة هو إنها خدت وعد من رئيس الوزراء الإسرائيلي (بنيامين نتنياهو Benjamin Netanyahu) بإنه حيسعي بجد عشان يمضي إتفاق سلام مع الفلسطينيين.
اللي الناس بتوع NASA عايزينه إنهم يخلوا المسبار (باركر Parker) ده يوصل لمسافة 6 مليون كيلومتر من الشمس عشان يلمس حاجة إسمها الكورونا Corona .. مش الشيكولاتة .. الكورونا دي تبقي الطبقة الخارجية خالص من الشمس اللي بتبقي شبه موج البحر و بتشوفها بعنيك في الخسوف الكلي للشمس.
لما البرازيليين ركبوا دماغهم وإجتاحوا أوروجواي كان رد باراجواي إنها إستولت علي سفينة برازيلية كانت ماشية في نهر جوه الأراضي بتاعة باراجواي ودي كانت الشرارة اللي بدأت الحرب .. ومن هنا بدأت أغرب سلسلة قرارات عسكرية تخليك تقول لنفسك هو المشير (عبدالحكيم عامر) الله يرحمه كان هو اللي ماسك الجيش بتاع باراجواي ولا إيه؟
في المقالة دي أنا جمعت شوية شخصيات زي (جاك رايان Jack Ryan) من اللي أبوس إيديكوا كفاية تعملوا عنها أفلام بقي عشان أنا فعلاً جتتي نحست.
اللي حصل مع (محمد بن سلمان) هو هو بنفس تفاصيلة اللي حصل بين (أوباما Obama) والإيرانيين .. زي ما الإيرانيين خدوا الفلوس اللي جاتلهم لما العقوبات الإقتصادية إتشالت وإستخدموها عشان يفتروا علي خلق الله .. (محمد بن سلمان) هو كمان إفتري علي خلق الله .. دخل في حرب ملهاش أي ستين لازمة مع اليمن .. إتعارك مع قطر متفهمش بسبب إيه .. يا راجل ده خطف (سعد الحريري) رئيس وزراء لبنان لما راح زيارة للرياض وفي الأخر زعلان إن (تميم) مرضاش يروح يحضر القمة العربية.
النسخة الحالية من الدوري الإنجليزي إلي حد ما مفيهاش السيرك القومي بتاع زمان .. فيه شوية أسامي محافظة علي مكانتها بس بيبدلوا مراكزهم مع بعض .. صحيح فيه أسامي راحت في داهية زي لييدز يونايتد اللي كسبوا الدوري موسم 1999-2000 و دلوقتي في دوري الدرجة الثانية مش عارفين يصعدوا .. يمكن موسم 2010-2011 لما مانشستر سيتي خد الدوري الإنجليزي كانت صدمة للناس اللي بتتابع البطولة لإن قبل كده محدش كان حاطط اسم مانشستر سيتي ضمن الأسامي اللي ممكن تنافس.
اللي بتكلم عنه كان جراح أنف و أذن و حنجرة نيوزيلندي إسمه (هارولد جيليز Harold Gillies) كان بيخدم في المستشفيات الميدانية وقت الحرب و شاف بنفسه قد إيه إصابات الوش بالذات محتاجه حد يبصلها و يشوفلها حل .. في الوقت ده القيادة العسكرية البريطانية كانت ماشية في إتجاه إننا محتاجين نشوف نعمل إيه في مجالات خاصة أوي في الطب مكناش كبشر محتاجين نبصلها زي مثلاً إصابات الجهاز العصبي اللي بسبب التعرض للأسلحة الكيماوية.
بناء علي كلام جهة إسمها إتحاد علماء أميركا المهتمين بالبيئة Union of Concerned Scientists فالعربيات و الأوتوبيسات و الترلات مسئولة عن 20% من كل الإنبعاثات الضارة بالبيئة اللي بتطلعها أميركا .. لو دخلت في حسبتك القطارات و الطيارات و السفن فحتلاقي الرقم نط معاك ل30% من إجمالي الإنبعاثات الضارة بالبيئة اللي بتطلعها أميركا لوحدها.
حصلت خناقة كبيرة أوي بين الطرفين إنت لا تتخيلها لدرجة إن مشروع الدبابة M1 ده كان مهدد إنه يتلغي أصلاً لحد ما في الأخر وصلوا لحل وسط .. الحل كان إن النسخ الأولانية من الدبابة M1 حتنزل بمدفع M68 القديم و بعد كام سنة حيتشال المدفع ده و يتركب بداله مدفع M256 بس لما إن شاء الله تنزل النسخة الجديدة من الدبابة اللي هي M1A1 حتنزل بالمدفع M256 .. إنت ممكن تكون شايف ده حل وسط بس الضباط مكانوش شايفينه كده.
لأكتر من 200 سنة والإنكشارية دي تعتبر رأس الحربة بتاعة القوات المسلحة العثمانية .. فتوحات العثمانيين كلهم إتبنت علي كتاف القوات دي وده في حد ذاته شيء غريب بالنظر إلي أن كل أفراد القوات دي كانوا أولاً مش أتراك إنما كانوا عبيد من دول فتحها العثمانيين وثانياً إنهم مكانوش مولودين مسلمين أساساً وعشان كده أنا قلتلك إن الإنشكارية دول الميكس بتاع المماليك مع فرسان المعبد خصوصاً لو بدأت تشوف إزاي الإنكشارية بقي ليهم وضعهم ونفوذهم جوه الدولة .. مهم تكون فاهم إن النفوذ بيجي من لما يبقي معاك فلوس وسلاح.
نيجي بقي للسؤال المهم .. مين اللي أكل الجبنة؟ .. مين السبب ورا كل المصايب دي كلها؟ .. أظن باين من النقط اللي رصتها قدامك إنها الصين .. الفكرة إن الصين بتعمل مشاريع بنية تحتية Infrastructure كتير جداً ومكلفة جداً في أفريقيا وعمالة تزود في الديون المستحقة علي الدول الأفريقية دي.