دبي من أوائل المشاريع اللي هي عملتها كان بالم الجميرا Palm Jumeira ودي مجموعة جزر صناعية علي شكل نخل و الحقيقة إن المشاريع من النوع ده جابتلهم شغل زي الفل .. الصينيين لإنهم شعب بيعشق التقليد و مش قادرين يتخلصوا من مرض الCopy & Paste لما حبوا برده يجذبوا ليهم إستثمارات أجنبية قلدوا دبي بالضبط.
محدش قال نبطل ناخد قروض من الصين بس لو ناوي تعمل كده فإعمل حسابك إنك تتطلع عينهم في المفاوضات عشان ميلووش دراعك .. مفيش حاجة إسمها أدخل البضاعة الصيني من غير جمارك .. متديلهومش فرصة إنهم لما يجي معاد السداد متلاقيش حل غير إنك تبيعلهم البلد .. أوعي .. خد اللي حصل في كينيا كدرس قاسي أوي تتعلمه في التفاوض مع أي حد بيسلفك فلوس خصوصاً الصين.
مشكلة الإقتصاد الصيني في التحكم اللي عاملاه الحكومة في كل حاجة .. الإقتصاد الصيني بقاله سنين عنده نفس الأعراض بتاعة الأزمة المالية العالمية اللي ضربت أميركا في 2008 .. الصينيين شايفين بعنيهم إن قيمة بورصة شنغهاي إنهارت 25% خلال أول شهرين بس من 2019 بعد ما حققت أعلي معدل نمو ليها خلال سنة 2018 .. هم شايفين بعنيهم إن حرب التعريفات الجمركية بينهم وبين أميركا بدأت توجعهم أوي وشايفين إن لأول مرة من سنين كم الصادرات الصينية بدأ يقل.
لإن إحنا مدرسناش جغرافيا أسيا وأوروبا بشكل عميق فإحب أقولك إن سنة 1916 في عز الحرب العالمية الأولي ما كانت مولعة إتعمل خط سكة حديد إسمه Trans-Siberian Railway والخط ده عبارة عن 3 خطوط سكة حديد في بعض.
نيجي بقي للسؤال المهم .. مين اللي أكل الجبنة؟ .. مين السبب ورا كل المصايب دي كلها؟ .. أظن باين من النقط اللي رصتها قدامك إنها الصين .. الفكرة إن الصين بتعمل مشاريع بنية تحتية Infrastructure كتير جداً ومكلفة جداً في أفريقيا وعمالة تزود في الديون المستحقة علي الدول الأفريقية دي.
خليني أبدأ معاك من الأول وأقولك إن فيه خناقة إحنا منعرفش عنها حاجة حول حتة من أفريقيا بتتسمي Horn of Africa أو القرن الأفريقي .. زي ما إنت شايف فالقرن الأفريقي ده حتة من قارة أفريفيا في شرقها اللي بتطل علي البحر الأحمر ومضيق باب المندب وعلي المحيط الهندي والحتة دي عايش فيها 5 دول اللي هم أثيوبيا وأريتيريا والصومال وصوماليلاند وجيبوتي.
(جي جينبينج Xi Jinping) زيه زي أي ديكتاتور في الدنيا مرعوب من اليوم اللي الناس تنقلب عليه وتمشيه .. هو مش عايز مصيره يبقي زي (مبارك) أو الإتحاد السوفيتي عشان كده هو مش لاقي حل غير إنه هو اللي يتحكم في كل كبيرة وصغيرة في البلد ودي حاجة شبه مستحيلة في بلد ضخمة زي الصين.
التجارة واحدة من أكتر المواضيع المعقدة اللي إنت ممكن تحاول تفهمها .. مجرد ثغرة بسيطة في إتفاق تجارة بين أي حد ممكن يفتح الباب لشركات إنها تسرق وتستغل وتمص دم موظفين .. بس ده مش معناه إنك لما تبقي رئيس تفضل مقتنع بإن السبب الأساسي ورا إنهيار الصناعة الأميريكية هي الصين .. صحيح الصين بتصنع بإفترا بس التهديد الحقيقي للعمالة مش بس في أميركا إنما في العالم كله هو الAutomation.
خلال ال10 سنين اللي فاتوا دول حجم الفلوس اللي الصين حطتها في أوروبا أكتر ب45% من الإستثمارات الأميريكية .. الصينيين حطوا فلوسهم في كل حتة .. إستثمارات في مشاريع بنية تحتية Infrastructure في شرق وجنوب أوروبا .. إستثمارات في مشاريع تكنولوجية متقدمة في غرب أوروبا .. الصين بقت في كل حتة في أوروبا لدرجة إن المستشارة الألمانية (أنجيلا ميركل) والرئيس الفرنسي (إيمانويل ماكرون) بقوا شايفين إن اللي بيحصل ده تهديد للأمن القومي الأوروبي.
لسنين و سنين الصين كانت مقلب الزبالة بتاع العالم .. الموضوع بدأ في التسعينات إن الدول الغنية بقت بتبعت زبالتها البلاستيك للصين اللي كانت متقدمة أوي في موضوع إعادة التدوير أو Recycling بحيث إن الكل كان مبسوط و سعيد .. الصين بتاخد بلاستك الغرب تعيد تدويره للإستهلاك المحلي و الغرب مبيوجعش دماغه عشان يلاقي حل لمشكلة الزبالة بتاعته .. جري الشريط لحد نوفمبر 2017 و الصين قررت إنها مش حتعمل كده تاني خلاص.
الصين عندها تاني اكبر سلاح جو في العالم بعد اميركا اللي عندها 3400 طياره مقاتله هم كمان متوزعين علي القوات الجويه و البحريه لان اميركا عندها حاملات طائرات .. اللي حنتكلم عنه النهارده هو كوكتيل الطيارات اللي عند الصين
بناء علي كلام جرنان أمريكاني إسمه The Wall Street Journal فأغلب معسكرات الإعتقال دي موجوده في ولاية صينية إسمها جين-يانج Xinjiang في شمال غرب الصين وخلال سنة واحدة مساحة معسكرات الإعتقال دي تضاعفت.
من أول يوم إستقلت فيه سنغافورة عن ماليزيا سنة 1965 و هم في راسهم هسهس إنهم عايزين يبنوا قوات مسلحة قوية خصوصاً إن بمجرد ما إستقلت سنغافورة عانت الأمرين من جيرانها ماليزيا و أندونيسيا اللي كانوا شايفينها دولة لسه عيلة صغيرة كل واحد فيهم عايز يتمنظر عليها و يفرض نفسه.
أحب أطمنك إنك مسمعتش خالص عن المعركه دي لإنها معركة لسبب ما محدش فاهمه إتنست و أحداثها إتحطت في الدرج علي الرغم إن المعركة دي و اللي حصلت بين جيوش الدولة العباسية و جيش أسرة (تانج Tang) الصينية علي ضفة نهر طلاس Talas River اللي هو دلوقتي جوه دولة إسمها قيرغيستان هي السبب في إن الصين دلوقتي حدودها الجغرافية تبقي زي ما إنت شايفها.
في الوقت ده الصين أعلنت عن رؤيتها للمستقبل و اللي سمتها Made in China 2025 و الفكرة بمنتهي البساطة إن الصين حطت عنيها علي 10 صناعات لازم توصل لمرحلة إن مفيش منتج فيهم يبقي أعلي من المنتجات الصينية و لما تبص علي ال10 صناعات دول لازم تتخض لإن منهم مثلاً Robotics و العربيات اللي بتسوق نفسها Self-Driving Cars و العربيات الكهربية Electric Vehicles و الذكاء الصناعي AI و التكنولوجيا العضوية Biotech و مجال الطيران و الفضاء Aerospace.
مهم برده تكون مستوعب حاجة و هي إن فلسفة الحكم في الصين مبنية علي فكرة اسمها Trinity of Leadership أو إن اللي بيدور الليلة دي كلها 3 أعمدة للحكم للي هم رئيس الدولة و رئيس الحزب و وزير الدفاع .. قبل القرار ده ما يتحط كان رئيس الحزب و وزير الدفاع قانوناً ملهمش سقف مدد .. لما رئيس الدولة كمان بقي ملوش سقف مدد رئاسية فده نظرياً علي الأقل بيخلق توازن أكتر بين التلاتة إن كلنا بقينا زي بعض.