بصفتي بني أدم مشروع التخرج بتاعه في قسم ميكانيكا الموائع Fluid Mechanics هندسة الإسكندرية كان عن تكنولوجيا Biogas اللي هي تحويل الميكس بتاع زبالة البيوت ومياه الصرف الصحي لغاز طبيعي وسماد طبيعي برده فأنا حرفياً قلبي بيتقطع وأنا بوريك الألبوم ده .. يحضرني هنا مشهد الفنان الراحل (أحمد زكي) الله يرحمه في فيلم ضد الحكومة وهو بيقول كلنا مذنبون ولا أستثني أحدأً .. فعلياً في قضية الزبالة دي بالذات كلنا حنتحاسب قدام ربنا سواء كنت مصري أو أمريكاني أو أوروبي أو أيا كانت جنس ملة سعادتك.
مش مصدقني؟ .. تعالي ناخد الأمريكان كمثال .. بناء علي كلام وكالة حماية البيئة الأميريكية فالمواطن الأمريكاني الواحد في المتوسط يعني بيرمي زبالة سنوياً حوالي 820 كيلوجرام والأغلبية العظمي من الكمية دي كلها عبارة عن زبالة أكل وورق .. لو بتسأل علي زبالة البلاستيك فأحب أقولك إن أميركا لوحدها سنة 2020 صدرت زبالة بلاستيك للعالم حوالي 630 مليون طن .. الألبوم ده هدفه إنه يفتح عنيك للمصيبة اللي إحنا عايشين فيها .. إحنا في بؤس ولا أغاني (حسن الأسمر) الله يرحمه .. ده الرجل اللي قضي من عمره نص ساعة كاملة يغني كتاب حياتي يا عين ما شفت زيه كتاب الفرح فيه سطرين والباقي كله عذاب .. تخيلت؟
المصدر:
- مقالة بعنوان Raw Photos of Landfills Show the Extreme Amount of Waste Humans Produce نشرت في موقع BuzzFeed وده لينك المقالة الأصلية:
https://www.buzzfeednews.com/article/kirstenchilstrom/photos-landfills-trash-extreme-waste
