مناورة الرامي الماهر 1983 .. أكتر بحاجة بتأثر في السياسة مش المصلحة .. الخوف.
كتير من الأسلحة اللي أميركا بتبيعها دلوقتي و قواتها معتمده عليها إتصممت و إتعملت أيام (ريجان) عشان الهسهس اللي كان مسيطر علي وزارة الدفاع الأميريكية هو الخوف من روسيا.
سياسه
اكتر مجال فيه فتي و هبد كتير .. هنا حنحاول نفهم الحقيقه و الصوره الكامله لاي صراع سياسي او خناقه سياسيه بتحصل في الدنيا
هل ممكن تقوم حرب بين أميركا و الصين؟ .. رواية 2034 بتحاول تجاوب.
لما تيجي تبص علي الأخبار و اللي إنت بتشوفه علي السوشيال ميديا غصب عنك بتلاقي نفسك بتهرش في شعرك .. إحنا ماشيين علي نفس القضبان اللي الرواية بتاعة 2034 قالت إن نهايتها قطر أميركا حيلبس في قطر الصين.
أزمة القدس الأخيرة .. لما السموزي يخش في السياسة.
علي الناحية الثانية و بشكل أنا مش شايف إن له أي معني الحقيقة الإسرائيليين زي ما يكونوا نسوا إنهم محتلين الضفة الغربية .. من المعلومات اللي انا عايزك تبقي عارفها إن إسرائيل خلال سنتين عملت أربع إنتخابات برلمانية و في طريقهم إنهم يعملوا الإنتخابات الخامسة .. المشكلة إن كل إنتخابات بتتعمل مش بتطلع حزب واحد معاه أغلبية فكل شوية بعد كل إنتخابات يختاروا حد يتقاله شكل حكومة فميعرفش فيتقال ل(نتنياهو) خليك في منصبك مؤقتا لحد ما نعمل إنتخابات جديدة يمكن ربنا يفكها علينا .. سنتين علي الحال الواقف ده.
كارلوس غصن .. قصة هروب ولا أفلام (جيمس بوند).
(كارلوس غصن) علي حسب كلام النيابة اليابانية أخفي عن الضرائب أرباح وصلت 80 مليون دولار علي مدي 8 سنين .. البيه خسر 16 مليون دولار من فلوسه الشخصية في كذا بيزنس خاص بيه بس عشان رصيده في البنك ميتأثرش خد الفلوس دي من حساب الشركة .. مصاريفه الشخصية كلها كانت علي حساب شركة نيسان وعشان بس أحطك في الصورة يعني إيه مصاريفه الشخصية فعايزك تعرف إن قصره في بيروت إتصرف علي إعادة فرشه أكتر من 15 مليون دولار كلهم شركة نيسان هي اللي دفعتهم.
العلاقات السعودية الباكستانية .. الرجاله لما بتكبر بتتهبل.
فعلياً و الله و دي شهادة لله يعني نادر أوي تلاقي بلد تقف جنب بلد في وقت زنقتها زي ما السعودية وقفت جنب باكستان في السبعينات .. المفروض يعني باكستان تشيل الهلال و النجمة في علمها و تحط مكانهم صورة الملك (فيصل) الله يرحمه .. المشكلة إن زي ما السعوديين بقي ليهم تصور تاني خالص عن علاقتهم مع باكستان فبرده الباكستانيين بقي ليهم تصور تاني خالص عن مستقبلهم كدولة .. فعلياً و مش ببالغ لو قلتلك إن باكستان إترمت في حضن الصين.
إتفاقيات إبراهيم .. سيبنا المصيبة الكبيرة وبقينا نتكلم هي مامي ولا أمك.
المعلومة اللي جاية دي ممكن تصدمك بس صدق أو لا تصدق إن (دونالد ترامب Donald Trump) و(بنيامين نتنياهو Benjamin Netanyahu) إترشحوا لجايزة نوبل للسلام بسبب دورهم إن الإتفاقية دي تتمضي .. عشان الإتفاقية مقالتش أي حاجة عن وقف الإستيطان في الضفة الغربية في المطلق فعايز أقولك إن في نفس اليوم اللي إتمضت فيه الإتفاقية الحكومة الإسرائيلية مضت علي قرار إنشاء 3,000 بيت جديد في المستوطنات الإسرائيلية في الضفة الغربية.
الحرب الأرمينية الأذربيجانية .. أوعوا تنسوا إن إسرائيل ليها أصابع بتلعب برده.
يبقي السؤال اللي محدش بيفكر يسأله لنفسه هو ليه؟ .. إيه اللي يخلي الأتراك ياخدوا راحتهم أوي كده في مساعدتهم لأذربيجان؟ و الحقيقة إن السر هو إن الأتراك حسبوها سياسياً صح فشخ .. دور تركيا في أذربيجان انا في رأيي تجسيد واضح لإزاي مؤسسات الحكم من مخابرات و وزارة خارجية و وزارة دفاع يشتغلوا مع بعض من الأول علي مياه بيضا .. المخابرات التركية كانت عارفة إن مع أول طلقة تتضرب الروس حيبيعوا الأرمن.
الوجود العسكري الأجنبي في أفريقيا .. ولا شاليهات بورتو سخنة.
حتي الهند .. الهند يا موحدين بالله عايزه تعمل 32 محطة رادار و استطلاع علي سواحل دول سيشل وموريشيوس ومدغشقر .. هي الفكرة بس إن الهند أولاً مقلقة من اللي بتعمله الصين في أفريقيا وثانياً عايزة تحمي طرق التجارة بتاعتها في المحيط الهندي.
لبنان .. حكاية إنفجارين في قلب بيروت.
إذا كان اللي داس علي زرار تفجير القنبلة اللي قتلت (رفيق الحريري) كان من حزب الله إلا إن اللي قال لحزب الله انا عايز أخلص منه كان (بشار الأسد) .. ناس كتير متعرفش إن في اغسطس 2004 حصل إجتماع بين (بشار) و (رفيق) و تقريباً الإتنين كانوا حيمسكوا في خناق بعض.
أية صوفيا .. الدين والسياسة والهايفة.
(أتاتورك) كان عايز يحول مسجد أية صوفيا لمتحف من سنة 1923 ودي السنة اللي أعلن فيها ميلاد الجمهورية التركية بس لأسباب كتير هو إستني عشان يطلع قرار بتحويل أية صوفيا من مسجد لمتحف وبموجب قانون طلع سنة 1934 مبقاش ينفع إن تقام الصلاة في أي حتة جوه المسجد .. سنة 1935 المسجد إتفتح للزوار عشان يبقي أكبر مزار سياحي في تركيا.
جو بايدن .. السياسة في زمن أنا و إبن عمي علي الغريب.
اللي أنا عايز أوصله ليك إن (جو بايدن) يبان شخص أهبل .. يبان شخص مبيعرفش يكمل جملتين علي بعض .. يا مؤمن دول مطلعين عليه اسم (جو النعسان Sleepy Joe) في أميركا .. كل ده علي عيني و علي راسي لإن (جو بايدن) من السياسيين اللي مبيعرفش يشتغل إلا في أوضة مقفولة.
الحرب الأهلية الليبية .. الصداع النصفي اللي مش عايز يروح.
حتي الأوروبيين سواء فرنسا أو إيطاليا هم الإتنين عايزين نفس الحاجه .. الإتنين عايزين حنفية المهاجرين غير الشرعيين اللي مفتوحة في ليبيا تقفل .. ده كل اللي هم عايزينه .. الفرنسيين شايفين إن (خليفه حفتر) هو اللي يقدر يحققلهم ده و الطليان شايفين إن (فايز السراج) هو الرجل المناسب .. لما الإتنين لقوا إن الحرب الأهلية دي شكلها مطوله ومحدش عارف يحسمها فالطليان و الفرنساويين تحت مظلة الإتحاد الأوروبي قالوا إحنا حنفرض حصار بحري علي ليبيا في عملية عسكرية سموها إيريني Irini.
(نتنياهو) و (جانتز) .. (توم) و (جيري) السياسة الإسرائيلية.
اللي فعلاً لازم تقف قدامه هو ليه .. ليه (بيني جانتز) يعمل كده؟ .. مقلب الحرامية اللي هو عمله ده دمر ناس كتير أوي .. اللي عمله (بيني جانتز) بإنه فعلياً إختار يقتل الحزب بتاعه عشان يعيش هو.
سد النهضة .. يا حوستي السودا يانا ياما.
خليني أقولك إن الكلام مش جايب نتيجة أو إسمحلي أبقي دقيق أكتر بإن طريقة الكلام المتبعة دلوقتي مش جايبة نتيجة .. من نوفمبر 2019 أثيوبيا و مصر و السودان كل شوية يعملوا إجتماعات يا ثنائية يا ثلاثية و بتكون برعاية أميركا و البنك الدولي و في كل مرة بنمسك في خناق بعض و مش بنوصل لحاجة .. علي فكرة الكلام اللي مش بيجيب همه ده شغال من زمان مش من دلوقتي.
كورونا فيروس .. القطر كان جاي علينا ومحدش خد باله.
لما إن شاء الله أزمة فيروس كورونا دي تعدي علي خير و نبدأ نشوف هو إزاي ده حصل؟ حنكتشف إن كان فيه ناس كتير حذرتنا إن القطر جاي بس إحنا مسمعناش و طنشنا.
التدخل العسكري الفرنسي في مالي .. أصل الدكتور قالي أقف في حتة طراوة.
فعلياً فرنسا حالها في مالي مبقاش يفرق كتير عن حال أميركا في فيتنام أو في أفغانستان .. حرب بقالها سنين و محدش عارف حتخلص إمتي .. حرب بيتصرف عليها مليارات كل سنة قصاد عدو انت مش حتعرف تهزمه لا و كمان بتحاربه علي أرضه اللي هي أساساً بيئة و طبيعة غريبة عليك .. فوق ده كله إن الإستراتيجية اللي فرنسا شغالة بيها في مالي عقيمة أوي .. هم زي ما يكونوا عاملين زي ويندوز إكسبلورر كده بيفوقوا بعد الهنا بسنة .. سنة إيه قول 15 سنة.