بنيامين نتنياهو .. عايش في بحر الغدر .. شط الندالة مليان.
هو طول لسانه علي منافسيه .. نفخ نفسه زيادة عن اللزوم .. وحتي علاقته مع (ترامب) اللي شبه العلاقة بين الكنافة والنوتيلا منفعتوش .. يمكن أنا أقدر أقول إن (نتنياهو) حفر قبره بنفسه.
سياسه
اكتر مجال فيه فتي و هبد كتير .. هنا حنحاول نفهم الحقيقه و الصوره الكامله لاي صراع سياسي او خناقه سياسيه بتحصل في الدنيا
الهجرة لأميركا .. من خرج من داره إتقل مقداره.
قدام الناس الأمريكان بينفخوا صدرهم أوي ويقولوا إنهم أكتر بلد في العالم بتستقبل لاجئين كل سنة .. بالأرقام الناس دي عندها حق .. في أخر سنة في حكم (باراك اوباما) أميركا استقبلت 110,000 لاجيء في 2017 .. لما جه كيس الشيتوس وفي أول سنة له في الحكم في 2018 العدد ده إتخسف به الأرض ل45,000.
أفيجادور ليبرمان .. لما (محمد رمضان) يدخل الإنتخابات.
لو (أفيجادور ليبرمان) عرف بطريقة ما إنه يقعد علي الكرسي الكبير .. كرسي رئيس الوزراء فكده هو فعلياً قلب الطرابيزة علي الكل .. السؤال دلوقتي هو إزاي يقدر يعمل ده.
نتنياهو و ترامب .. الشرخ في السياسة الأميريكية بسبب إسرائيل.
لما رئيس الوزراء الإسرائيلي (بنيامين نتياهو) طلع قرار برفض الفيزا بتاعة عضوتي الكونجرس الأميريكي (إلهان عمر) و (رشيدة طالب) فده خلي الرئيس الأميريكي (دونالد ترامب) فرحان منه أوي بس القرار ده عمل شرخ جوه السياسة الداخلية الأميريكية.
المهاجرين .. يا تري مين أكتر دولة عندها منهم؟
فيه كام قاعدة كده مهم تكون فاهمهم لما تيجي تتكلم عن الهجرة .. كل ما مساحة البلد و عدد سكانها بيقل كل ما حتلاقي إن نسبة المهاجرين فيها أعلي .. كنت قلتلك إن نسبة المهاجرين اللي عايشين في أميركا حوالي 15% من إجمالي تعداد السكان .. لو قارنت أميركا ببلد تانية زي سويسرا تكتشف إن نسبة المهاجرين في سويسرا بتعدي 29% .. في بلد تانية زي لوكسمبورج و دي بلد صغيرة لدرجة إن حي شبرا في القاهرة أكبر منها بتلاقي إن نسبة المهاجرين فيها بتوصل 46%.
رجب طيب أردوغان .. التطور الطبيعي من إحنا جايين نخدمكم لتحيا تركيا 3 مرات.
رأي الناس في (أردوغان) بيتشكل علي حسب هم شايفين الدنيا إزاي؟ .. الأوروبيين شايفينه رجل محدش عارف يسيطر عليه .. هم عارفين إنه عرف إنهم عمرهم ما حيدخلوه الإتحاد الأوروبي و بكده الجزراية اللي كانوا ماسكينها ليه إترمت في الزبالة .. إذا كان زمان هو كان مستعد يعملهم أي حاجة علي أمل إنهم يرضوا عنه و يدخلوه الإتحاد الأوروبي بس دلوقتي بقي ماشي معاهم بمبدأ أبجني تجدني و كله بثمنه.
عزل (ترامب) من منصبه .. هبداية الموسم ولا واقع ممكن يحصل بكره الصبح؟
هنا إنت محتاج تفهم إن كل ده فنكوش .. شعبية (ترامب) وسط الأهلاوية أو الجمهوريين عالية و حتفضل عالية .. لإن محدش بيتكلم وسط الجمهوريين علي الفضايح دي كلها .. هم كلهم في إعلامهم و في جرايدهم عمالين يقنعوا الناس بإن (ترامب) فلة شمعة منورة.
إغتيال إسرائيل للعلماء الإيرانيين .. دموع في عيون وقحة.
أظن أنا محتاج أختم بإني أسأل هل سياسة الإغتيالات بتاعة العلماء الإيرانيين دي جابت نتيجة؟ الحقيقة هي اه جابت .. كتير من العلماء الإيرانيين بقوا مرعوبين إنهم يشتغلوا في المشروع النووي بتاع بلدهم و يمكن ده اللي أجبر الحرس الثوري الإيراني إنه يصرف مبالغ ضخمة أوي عشان يبدأ يشوف إزاي يأمن حياة العلماء اللي شغالين معاه.
الصومال .. من أول Black Hawk Down لحد Captain Philips.
الغريب إن الأمريكان بداية من 2001 لحد دلوقتي و إحتلالهم للعراق و أفغانستان و بقي ليهم وجود عسكري في كل حتة في العالم إلا إن فضلت الصومال زي ما تقول كده الإيكس اللي مش عايزين حتي يعدوا من الشارع اللي هي ساكنه فيه.
السودان .. 25 يناير كلاكيت تاني مرة.
إذا كان الأمريكان ملهمش أي ستين لازمة في السودان فالأوروبيين علي الناحية الثانية مهتمين جداً باللي بيحصل بس الأوروبيين مش مهتمين بالسودان عشان خاطر الديموقراطية و الحرية و الكلام اللي مش بيأكل عيش ده .. فاكر انت الأيام اللي كانت الأخبار و مواقع Social Media مليانه ببوستات عن سفن بتنقل مهاجرين غير شرعيين أفارقة و سوريين للسواحل الأوروبية؟ .. أغلب المهاجرين الأفارقة دول كانوا بيوصلوا لحد ليبيا عن طريق السودان.
سوشيال ميديا .. إحنا جايين أصلاً نلم فلوس الإعلانات.
بعد تحقيقات فضلت حوالي سنة طلع (مارك زاكبربيرج Marc Zuckerberg) مؤسس Facebook قال إن يا جماعة أنا متؤسف بس إحنا إكتشفنا إن فيه حوالي 126 مليون مواطن أمريكاني فعلاً شافوا بوستات و إعلانات سياسية متصممة مخصوص عشانهم بحيث يختاروا (ترامب) مش (هيلاري).
(جيف بيزوس) و (محمد بن سلمان) .. تعرف (الخطيب) و (تركي ال شيخ)
جرنان The National Enquirer ده جزء من شركة نشر كبيرة اسمها AMI مملوكة لبني أدم اسمه (ديفيد بيكر David Pecker) .. لحد يناير 2019 يعني قبل ما الجرنان يفضح (جيف بيزوس Jeff Bezos) كان الرجل ده مديون ب1.3 مليار دولار و شركته بتخسر في السنة 70 مليون دولار .. تسلسل الأحداث بتاع إزاي الرجل ده إتعرف علي (بن سلمان) مسلي جداً.
تقرير (روبيرت مالر) .. لما الغباء و التنفيض ينقذوك من حبل المشنقة.
ده يحطك قدام حقيقة إن الروس كانوا حيموتوا و يتواصلوا مع الحملة الإنتخابية بتاعة (ترامب) و حاولوا كتير أوي يوصلولوه عشان يساعدوه يكسب بس البعيد لا هو ولا اللي حوليه كانوا بيفهموا و ده اللي طلعهم زي الشعرة من العجين من تحت إيد فريق التحقيق.
فضيحة شركة SNC الكندية .. ليه يا ربي متبقاش كل فضايحنا كده؟
الموضوع بمنتهي البساطة إن فيه شركة مقاولات و إستشارات هندسية كندية إسمها SNC-Lavalin ودي عشان أشبهالك بحاجه تفهمها حاول تتخيل إنها المقاولين العرب بتاعة كندا .. المهم إن الشركة دي فيه إتهام موجه ليها بإنها خلال الفترة من 2001 لحد 2011 دفعت رشاوي وصلت قيمتها 48 مليون دولار كندي لعيلة الرئيس الليبي الراحل (معمر القذافي) الله يرحمه عشان الشركه يرسي عليها مزدات عقود شغل في ليبيا .. لحد دلوقتي الموضوع سهل.
Huawei .. تؤيد و تبايع زعيم الأمة و تحيا الصين 3 مرات.
دلوقتي الصين كدولة عندها شركتين كبار أوي في مجال الإتصالات اللي هم Huawei ودي شركة قطاع خاص و شركة اسمها ZTE ودي شركة قطاع عام .. مؤسس Huawei اللي هو (رين زينجفي) كان ضابط إتصالات سابق في الجيش الصيني قبل ما يطلع معاش سنة 1987 و يؤسس الشركة ومن ساعتها و الحكومه الصينية بتستثمر مليارات الدولارات عشان تخلي إسم Huawei يسمع في العالم كله.
(إلهان عمر) و AIPAC .. هات فشارك و بيبسيك و إتفرج معايا.
اللي حتكلم عنه النهاردة هو واحدة من أهم الخناقات اللي (إلهان) داخله فيها بإيديها و سنانها و هي خناقتها مع اللوبي اليهودي في أميركا و عشان تفهم اللوبي اليهودي في أميركا لازم الأول تتعرف علي حاجة إسمها إيباك AIPAC و دي إختصار American Israeli Public Affairs Committee .. هنا بقي أنا عايزك تفهم مين هم AIPAC دول؟