(نتنياهو) و (جانتز) .. (توم) و (جيري) السياسة الإسرائيلية.
اللي فعلاً لازم تقف قدامه هو ليه .. ليه (بيني جانتز) يعمل كده؟ .. مقلب الحرامية اللي هو عمله ده دمر ناس كتير أوي .. اللي عمله (بيني جانتز) بإنه فعلياً إختار يقتل الحزب بتاعه عشان يعيش هو.
سياسه
اكتر مجال فيه فتي و هبد كتير .. هنا حنحاول نفهم الحقيقه و الصوره الكامله لاي صراع سياسي او خناقه سياسيه بتحصل في الدنيا
سد النهضة .. يا حوستي السودا يانا ياما.
خليني أقولك إن الكلام مش جايب نتيجة أو إسمحلي أبقي دقيق أكتر بإن طريقة الكلام المتبعة دلوقتي مش جايبة نتيجة .. من نوفمبر 2019 أثيوبيا و مصر و السودان كل شوية يعملوا إجتماعات يا ثنائية يا ثلاثية و بتكون برعاية أميركا و البنك الدولي و في كل مرة بنمسك في خناق بعض و مش بنوصل لحاجة .. علي فكرة الكلام اللي مش بيجيب همه ده شغال من زمان مش من دلوقتي.
كورونا فيروس .. القطر كان جاي علينا ومحدش خد باله.
لما إن شاء الله أزمة فيروس كورونا دي تعدي علي خير و نبدأ نشوف هو إزاي ده حصل؟ حنكتشف إن كان فيه ناس كتير حذرتنا إن القطر جاي بس إحنا مسمعناش و طنشنا.
التدخل العسكري الفرنسي في مالي .. أصل الدكتور قالي أقف في حتة طراوة.
فعلياً فرنسا حالها في مالي مبقاش يفرق كتير عن حال أميركا في فيتنام أو في أفغانستان .. حرب بقالها سنين و محدش عارف حتخلص إمتي .. حرب بيتصرف عليها مليارات كل سنة قصاد عدو انت مش حتعرف تهزمه لا و كمان بتحاربه علي أرضه اللي هي أساساً بيئة و طبيعة غريبة عليك .. فوق ده كله إن الإستراتيجية اللي فرنسا شغالة بيها في مالي عقيمة أوي .. هم زي ما يكونوا عاملين زي ويندوز إكسبلورر كده بيفوقوا بعد الهنا بسنة .. سنة إيه قول 15 سنة.
كورونا و السعودية و البورصة .. المعني الحقيقي للعالم بقي أوضة و صالة.
بس فيه نقطه غالباً محدش من اللي حولين (محمد بن سلمان) قالوله عليها .. روسيا دلوقتي غير روسيا من خمس سنين .. لو حتتكلم عن إحتياطي نقدي فالروس عندهم إحتياطي نقدي أعلي من السعوديين .. إعتماد الروس علي عائدات بيع البترول أقل بكتير من السعوديين .. اللي يا عيني حيطلع ميتينه في الخناقة دي هم العراقيين و الإيرانيين .. إقتصاد البلدين شبه قايم علي بيع البترول خصوصاً إيران
ناريندرا مودي .. العنصرية ضد المسلمين بالبرياني و الكاري.
نقطة مهمة في شخصية (مودي) هي إنه شخصية هادية بشكل مستفز بس الهدوء اللي يعصب .. الهدوء اللي يخليك تقول إن وراه مصيبة .. و عشان يحافظ علي برستيجه قدام الناس فهو شخصياً مش بيفتح بقه كتير .. أغلب العنصرية اللي بتطلع من بق حكومته بتكون من الناس اللي حوليه.
أشرف مروان .. و حكايتك إيه ياللي!
(اشرف مروان) من الشخصيات اللي عليها خناقة كبيرة بس يمكن اكبر خناقة هي هل هو كان جاسوس اسرائيلي ولا عميل مزدوج؟ .. الحقيقة ان نظريا علي الاقل الاجابة علي السؤال ده اتحسمت سنة 2007 بس احنا مش واخدين بالنا.
برنامج التجسس الإماراتي .. الثمن الغالي قصاد إحساس الأمان.
علي فكرة لو إتكلمت مع الإماراتيين نفسهم حتلاقيهم بيحكوا قصة تانية خالص .. من وجهة نظرهم فالإمارات بتواجه خطر واضح و صريح لأمنها القومي متمثل في الجماعات الإرهابية اللي بتاخد تنظيمات زي داعش و القاعدة كمثل أعلي ليها.
عزل كيس الشيتوس .. دليل المواطن في فهم طلاسم اللي بيحصل.
في البلاد الديموقراطية الرئيس بيجي بالصندوق وبيمشي بالصندوق فلما تيجي المعارضة تقول إن الرئيس خرب البلد ولازم يمشي فإنتوا كده بتحرموا المواطن من حقه إنه يمشي أو يخلي رئيسه.
إلغاء معاهدة INF بين روسيا وأميركا .. مين إستني ومين إستغني وباع ببلاش؟
القوات المسلحة الأميريكية هي أقوي كيان مسلح علي الكرة الأرضية ومفيش قوة مسلحة في العالم تقدر تفرض سيطرتها علي أي حتة زيها والحقيقة دي مش حتتغير في الكام سنة الجايين .. بس في سباق التسلح اللي حنشوفه في السنين الجايه بين روسيا وأميركا والصين فالروس مش حيقدروا يكملوا.
الحوثيين .. البعبع اللي محتاجين نفهمه.
الحوثيين مش حزب الله .. نقول كمان .. الحوثيين مش حزب الله .. إيران متحكمه في كل صغيرة و كبيرة بيعملها حزب الله .. سوري في الكلمة يعني الشيخ (حسن نصرالله) الأمين العام لحزب الله و اللي ماسكهم ميقدرش يخش الحمام من غير ما ياخد موافقة الحرس الثوري الإيراني اللي هو تقدر تقول عليه المخابرات الإيرانية .. الحوثيين مش كده.
أميركا ترامب .. اللي معهوش مليزموش.
الرسالة اللي أنا حابب أوصلها لأي بلد أو أي رئيس أو أي حاكم بيعتبر الأمريكان في ظهره وشايف إن (ترامب) حيحميه إن إنسي .. اللي (ترامب) عايزك تفهمه إن لو حصل وإنت إتخانقت مثلاً مع الروس أو الصينيين أو الإيرانيين فإنت فعلياً حتشيل أوبح.
سد النهضة .. ميكس بين النصاحة و النتانة يودي في داهية.
الأثيوبيين بيقولوا إن بمجرد ما ال16 تربينة في السد تشتغل و يبدأ ينتج ال6000 ميجاوات كهرباء اللي هو إتصمم عليها فإنتاج البلد من الكهرباء حينط 150% مرة واحدة .. دي كهرباء كفيلة إنها تكفي إحتياجات أثيوبيا و كمان تصدر منها لجيرانها .. هنا برده السياسة الخارجية حتظهر معاك لإن أثيوبيا لاسه ماضية إتفاقية سلام مع أريتريا و عايزه يبقي ليها شغل مع جنوب السودان.
سياسة الطفل الواحد في الصين .. لما المؤسسة العسكرية تخزوق جيل كامل.
خليك فاكر إن لما اتطبقت سياسة الطفل الواحد في الصين إتقال إن السياسة دي مش عشان الحزب الشيوعي .. لا خالص .. دي عشانكوا أنتوا .. عشان الفلوس تجري في إيديكوا وتعيشوا وتتنغنغوا .. بس اللي أنا حابب أقوله ليك إن بعد كل الفشخ اللي اتعرضله المجتمع الصيني وبعد ما صحيوا الصبح لقوا إن 34 مليون شاب حيقضوا حياتهم فرجة علي الأفلام الثقافية من عند برايز الوضع الإقتصادي للجيل الحالي في الصين أسّود من الليلة السودا.
إيدوارد سنودين .. (اللمبي) ضد (رياض باشا المنفلوطي).
الناس لما شافت اللي سربه (سنودين) بقوا عاملين زي الست اللي روحت البيت لقت جوزها مع واحدة تانية .. اللي هو إزاي ده حصل؟ وليه؟ وإمتي؟ وكل الأسئلة اللي إخترعوها في اللغة العربية وبعد كده بتيجي مرحلة الزعيق والشتيمة .. من ضمن الأسئلة الكتير اللي إتسألت هو إزاي بالصلاة علي النبي شاب عنده 29 سنة يسرق المعلومات الحساسة دي كلها من جهاز مخابرات بيقول علي نفسه إنه أقوي جهاز مخابرات في العالم؟ .. ده اللي شغالين في كارفور مبيعرفوش يسرقوا حاجة منه.
بنيامين نتنياهو .. عايش في بحر الغدر .. شط الندالة مليان.
هو طول لسانه علي منافسيه .. نفخ نفسه زيادة عن اللزوم .. وحتي علاقته مع (ترامب) اللي شبه العلاقة بين الكنافة والنوتيلا منفعتوش .. يمكن أنا أقدر أقول إن (نتنياهو) حفر قبره بنفسه.