اكتر مجال فيه فتي و هبد كتير .. هنا حنحاول نفهم الحقيقه و الصوره الكامله لاي صراع سياسي او خناقه سياسيه بتحصل في الدنيا
القوات الأميريكة كلها علي بعضها اللي أفغانستان زي ما قلت ميجوش 14,000 بني أدم ودول مش كفاية إنهم ينظموا المرور في مدينة زي القاهرة الكبري وده معناه إن الإستراتيجية الأميريكية رجعت تاني تعتمد علي القصف الجوي اللي و المصحف الشريف ما بيجيب أي نتيجه طالما انت معندكش قوات علي الأرض.
اللي حصل مع (محمد بن سلمان) هو هو بنفس تفاصيلة اللي حصل بين (أوباما Obama) والإيرانيين .. زي ما الإيرانيين خدوا الفلوس اللي جاتلهم لما العقوبات الإقتصادية إتشالت وإستخدموها عشان يفتروا علي خلق الله .. (محمد بن سلمان) هو كمان إفتري علي خلق الله .. دخل في حرب ملهاش أي ستين لازمة مع اليمن .. إتعارك مع قطر متفهمش بسبب إيه .. يا راجل ده خطف (سعد الحريري) رئيس وزراء لبنان لما راح زيارة للرياض وفي الأخر زعلان إن (تميم) مرضاش يروح يحضر القمة العربية.
اللي حتكلم عنه النهاردة هو الإجابة عن سؤال بسيط .. هو إيه اللي بيحصل في فرنسا بالضبط؟ .. ليه فيه مظاهرات؟ وهل (إيمانويل ماكرون Emmanuel Macron) رئيس فرنسا بني أدم فاشل مش عارف يدير الليلة ولا إحنا اللي فاهمينه غلط؟ .. بلاش تتخيل إن اللي بيحصل في فرنسا ده لو شبهناه بحاجة عشان نفهمه ان فرنسا بني أدم عنده دور برد جامد حبتين.
خليني أبدأ معاك من الأول و أقولك إن فيه خناقة إحنا منعرفش عنها حاجة حول حتة من أفريقيا بتتسمي Horn of Africa أو القرن الأفريقي .. زي ما إنت شايف فالقرن الأفريقي ده حتة من قارة أفريفيا في شرقها اللي بتطل علي البحر الأحمر و مضيق باب المندب و علي المحيط الهندي و الحتة دي عايش فيها 5 دول اللي هم أثيوبيا و أريتيريا و الصومال و صوماليلاند و جيبوتي.
(جي جينبينج Xi Jinping) زيه زي أي ديكتاتور في الدنيا مرعوب من اليوم اللي الناس تنقلب عليه وتمشيه .. هو مش عايز مصيره يبقي زي (مبارك) أو الإتحاد السوفيتي عشان كده هو مش لاقي حل غير إنه هو اللي يتحكم في كل كبيرة وصغيرة في البلد ودي حاجة شبه مستحيلة في بلد ضخمة زي الصين.
إنت محتاج تفهم إن سبب إن حكومة الإمارات تتعب نفسها و تسرب نص الرسايل بين السفير و وزير الخارجية ملوش علاقة لا بالمفاوضات ولا بأي نيلة .. الإماراتيين سابوا كل ده و مسكوا في نقطة إن طيارة مدنية تابعة للخطوط الجوية القطرية Qatar Airways شالت فلوس و نزلت بيها مطار بغداد و عدت فوق المجال الجوي الإماراتي عشان تدي الفلوس دي لمنظمة إرهابية.
رغم كده فيه لاعيبة بتاخد منشطات و مش بتتكشف و ده بيرجع لأسباب كتير فشخ .. منها إن عدد الإختبارات الطبية اللي بتتعمل محدود و مش بيغطي كل أنواع المنشطات اللي ممكن اللاعيبة ياخدوها .. إنت ممكن عشان متتكشفش تتعمد تاخد عينات صغيرة أوي من المنشطات لدرجة إن الإختبارات متكشفهاش.
ميانمار للي ميعرفش طول حياتها كانت عايشة تحت حكم العسكر بشكل ديكتاتوري قمعي اللي هم زيهم زي دول عربية كتير .. مؤخراً بدأ العسكر يرجعوا يقعدوا في الكنبة اللي ورا وسابوا مدنيين هم اللي يسوقوا وده مشي معاه إن إستخدام الإنترنت في ميانمار بدأ يزيد بمعدل سريع أوي شبه معدل أكلك لكيلو الموز وإنت قاعد في البيت مش لاقي حاجة تعملها.
(حكيم القروي) شايف إن الإسلام في فرنسا لازم يبقي حاجة شبه الحاجة الساقعة بيبسي دايت .. أو خليني أشبهالك إنه بيعتبر نفسه مسلم دايت .. مسلم بس مش أوي .. وده مخلي مسلمي فرنسا مخنوقين منه ومش طايقينه .. هو شايف نفسه إنه علماني فرنسي مؤمن بمباديء العلمانية الفرنسية اللي هم بيسموها لايسيتي Laicite.
(يحيي السنوار) هو مؤسسي حاجة تقدر تشبهها بإنها مباحث أمن الدولة بتاعتة حركة حماس .. الرجل كانت شغلته إنه يفضل يدور علي الفلسطينيين اللي بيتعاونوا مع الإسرائيليين عشان يعدمهم مش بس عشان يقبض عليهم ويقدمهم للمحاكمة .. وعلي فكرة هو بنفسه أعدم ناس منهم.
بناء علي كلام جرنان أمريكاني إسمه The Wall Street Journal فأغلب معسكرات الإعتقال دي موجوده في ولاية صينية إسمها جين-يانج Xinjiang في شمال غرب الصين وخلال سنة واحدة مساحة معسكرات الإعتقال دي تضاعفت.
في كل الصور اللي حتلاقيها علي Google حتشوف السلطان (قابوس) لابس نفس العمة البيضاء اللي علي فكرة كان بيلبسها أبوه الله يرحمه (سعيد بن تيمور) اللي (قابوس) عمل عليه إنقلاب سنه 1970 و نفاه للهند و عاش في مدينة دلهي لحد ما مات .. جري الشريط 47 سنة و بص علي حال سلطنة عمان دلوقتي حتلاقيها في نفس الوضع المزري اللي (قابوس) عمل الإنقلاب علي أبوه عشان ينقذ البلد منه.
خلال السنة اللي إتفرض فيها الحصار السعودي-الإماراتي-البحريني-المصري علي قطر صادرات عمان (اللي ملهاش علاقة بالبترول) اللي راحت لقطر نطت 144% .. خلال شهر ديسمبر 2017 لو جيت تشوف أي حاجة إستوردتها قطر ملهاش علاقة بالبترول حتلاقي إن الدولة رقم واحد اللي قطر إستوردت منها بضاعة هي عمان.
ده يبقي أكتر حد جمع فلوس دعاية إنتخابية ل(ترامب) و أكتر حد (ترامب) بيثق فيه و هو كان حلقة الوصل بين (ترامب) قبل حتي ما يبقي رئيس و بين الإماراتيين و السعوديين .. (ترامب) شخصياً إختار (توم باراك) عشان يبقي هو اللي يمسك لجنة تنظيم حفلة تنصيبه كرئيس .. علي فكره (ترامب) كان عايز يعينه وزير ماليه و كان عايز يعينه سفير للمكسيك بس هو رفض لإنه علي حسب كلامه مبيحبش يشتغل في السياسة.
إنت محتاج تفهم إن الأزمة دي متولدتش أول إمبارح دي أزمة في الفرن بقالها أكتر من 10 سنين بس خرجت سخنة ملهلبة فإنت متخيل إنها بسبب حاجة حصلت قريب .. إقتصاد تركيا في الخمس سنين اللي فاتوا كانت أرقامه متفرقش كتير عن أرقام إقتصاد دول تقيلة زي الصين و الهند .. خلال الربع الأول من السنة المالية 2018 معدل النمو التركي كان 7.22% و ده رقم خزعبلي أصلاً.
عشان يبقي عندك ديموقراطية في بلد مش بس المطلوب منك إنك تعمل إنتخابات و نروح نحط صوتنا و خلاص .. انت محتاج يبقي عندك سلطة للقانون علي أطخن طخين في البلد و محتاج يبقي عندك فصل للسلطات إن مينفعش الرئيس يخلي القضاء يحكمله بالأحكام اللي علي مزاجه و محتاج يبقي عندك حرية إعلام و حقوق للمرأة و للأقليات.