اللي تتعلمه من فيلم The Avengers حاجات كتير جداً الصراحة .. أول درس و يمكن أهم درس إنك لما تحب تعمل فيلم عن سلسلة روايات إختار مخرج و سيناريست عارفين الروايات و قروها كويس .. دي رسالتي للناس اللي حتعمل مسلسل ما وراء الطبيعة المبني علي سلسلة الروايات بتاعة دكتور (أحمد خالد توفيق) الله يرحمه.
هل اللي حتعمله ألمانيا ده نصاحة ولا هم خزوقوا نفسهم؟ .. هم اه تفادوا إنهم يشتروا طيارات F-35 بكل مشاكلها و مصاريفها .. بس في نفس الوقت هم فكوها ب3 طيارات .. هل المصاريف اللي انت كنت حتكعها لو كنت إشتريت F-35 أقل من مصاريف شراء و صيانه و تسليح و تدريب الطيارين بتوعك علي 3 أنواع مختلفة من الطيارات؟ .. وعلي فكرة اللي حيحسم المسألة أولاً و أخيراً هي الفلوس .. و مينفعش إنك تبص علي سعر الطيارة لوحده كمقياس إنك تحدد.
حجم الدمار و القتل في الحرب دي عدي حتي الحرب العالمية الثانية .. عارف إن ده كلام ممكن تحسه مبالغ فيه بس خليني أفهمك.
لو تيجي تسألني ليه تشيلسي موسم 2004-2005 مش محفور في الذاكرة كواحد من الفرق اللي تتسجل في التاريخ فتقديري الشخصي هو طريقة اللعب .. الكوره أجوان .. دي مش مجرد جملة مشهورة في التعليق كان دايماً بيقولها ربنا يديله الصحة كابتن (ميمي الشربيني) .. فعلاً الكوره جوان .. فرقة الإسماعيلي اللي كسبت الدوري المصري إنجازها محفور في التاريخ وفي دماغنا أكتر من أي دوري تاني كسبه الأهلي في تاريخه .. مش لإن الاهلي بياخد الدوري كتير إنما لإن مفيش فرقة في مصر خدت الدوري وفي نفس الوقت لعبت كورة هجومية و كانت بتجيب جوان بالطريقة اللي الإسماعيلي كان بيلعب بيها.
اللي فعلاً لازم تقف قدامه هو ليه .. ليه (بيني جانتز) يعمل كده؟ .. مقلب الحرامية اللي هو عمله ده دمر ناس كتير أوي .. اللي عمله (بيني جانتز) بإنه فعلياً إختار يقتل الحزب بتاعه عشان يعيش هو.
المنشأة دي اللي إتبنت تحت الأرض إتعملت عشان الحكومة الإسرائيلية تشتغل بشكل طبيعي حتي لو حصلت أزمة أو كارثة و زي ما إنت شايف فيروس كورونا يعتبر كارثة إستدعت إن الإسرائيليين يفتحوا المنشأة دي.
خليني أقولك إن الكلام مش جايب نتيجة أو إسمحلي أبقي دقيق أكتر بإن طريقة الكلام المتبعة دلوقتي مش جايبة نتيجة .. من نوفمبر 2019 أثيوبيا و مصر و السودان كل شوية يعملوا إجتماعات يا ثنائية يا ثلاثية و بتكون برعاية أميركا و البنك الدولي و في كل مرة بنمسك في خناق بعض و مش بنوصل لحاجة .. علي فكرة الكلام اللي مش بيجيب همه ده شغال من زمان مش من دلوقتي.
سنة 2022 حنعرف مين فيهم اللي حتحل محل Blachawk و لإن حتي الأمريكان عارفين إن الطيارتين مينفعش تقول عليهم طيارة هليكوبتر فإسم هليكوبتر ده أساساً حيبدأ يتلغي و يحل محله إسم تاني هو Assault Aircraft .. مش بقولك إحنا داخلين علي مرحلة جديدة.
علاقة الإسلام بالفايكينج تقريباً إنحصرت في قصة واحدة وهي قصة (أحمد بن فضلان) ودي القصة اللي إتحكت في رواية مشهورة أوي إسمها Eaters of the Dead و إتحولت لفيلم إسمه The 13th Warrior كان من بطولة (أنتونيو بانديراس) و (عمر الشريف) الله يرحمه.
في الأخر انت فعلياً متقدرش تحكم علي إن A2/AD دي فكرة ناجحة أو لا لسبب بسيط جداً هي إنها متجربتش بحق و حقيقي .. هي إتجربت في Simulations أو محاكاة وعلي حسب اللي بيعمل Simulations دي بيطلع نتايج وكلهم عكس بعض.
لما إن شاء الله أزمة فيروس كورونا دي تعدي علي خير و نبدأ نشوف هو إزاي ده حصل؟ حنكتشف إن كان فيه ناس كتير حذرتنا إن القطر جاي بس إحنا مسمعناش و طنشنا.
اللي أنا قلته ده أحلام اليقظة .. الخيالات اللي أي مهندس نفسه يحققها لو بقي تحت إيده Quantum Computer بس الحاجات دي كلها محتاجه وقت و سنين عشان تبقي حقيقة .. اللي ممكن يحصل بكره الصبح وده اللي انا عايز أتكلم عنه هو حاجه إسمها Machine Learning و Artificial Intelligence.
(الحجاج بن يوسف الثقفي) مش شخصية معقدة ولا حاجة و يمكن اللي شافه علي حقيقته كان (عمر بن عبدالعزيز) .. ناس كتير متعرفش إن (عمر) كان يبقي ابن عم (عبدالملك بن مروان) و إتجوز أخت ابنه (الوليد) .. (عمر) كان بيكره (الحجاج) جداً و كان أكتر حد واقفله في البلاط الملكي.
للناس اللي مش عارفه إيه هي SpaceX؟ فخليني أبسطهالك .. عارف أوبر Uber؟ .. مش أوبر دي فكرتها إنك لما تحتاج حد يوصلك سواء انت لوحدك أو لو شايل شنط و حاجات عشان يوديك من حتة لحتة؟ .. أهي SpaceX بقي هي أوبر بس لNASA .. كل ما NASA تحب تبعت معدات أو أكل أو شرب أو أجهزة لمحطة الفضاء الدولية اللي بتلف حول الكرة الأرضية بتكلم SpaceX.
التحكيم ده هو التفاوض بحيث إن سيدنا (معاوية) يختار حد و سيدنا (علي) يختار حد و الإتنين يتفاوضوا بالنيابة عن الإتنين .. سيدنا (معاوية) إختار سيدنا (عمرو بن العاص) و سيدنا (علي) إختار سيدنا (أبوموسي الأشعري) .. أيام و أيام و كل يوم سيدنا (عمرو) و سيدنا (أبوموسي) يقعدوا مع بعض.
أديني بقولها من دلوقتي أهو .. سيدنا النبي (عليه الصلاة و السلام) مقالش صراحة إن سيدنا (أبوبكر الصديق) رضي الله عنه يجي ورايا يحكم .. هو كل اللي هو عمله إنه لمح لده بإنه إختاره هو اللي يؤم الصلاة بالنيابة عنه في أخر أيامه و حتي التلميح ده كان غريب أوي .. بيوت الصحابة كانت أغلبها بيطل علي مسجد النبي و الباب بتاع البيوت كان بيتقال عليه وقتها خوخة فسيدنا النبي طلب إنهم يقفلوا كل الخوخات ما عدا خوخة سيدنا (أبوبكر).