تركيا عندها ثالث أكبر أسطول طيارات F-16 في العالم بعد أميركا وإسرائيل .. إنت بتتكلم عن بلد عندها أسطول بيوصل 245 طيارة F-16 .. من الطيارات دي كلها فيه منهم 160 طيارة من Block 30 و Block 40 و Block 50 .. حتحس إن الأتراك دول عاملين زي اللي بيدخن سجاير ومش عارف يبطلها بس مش بيشرب غير نوع واحد اللي هو LM الزرقا.
الطيارة المروحتين بتوعها جامدين جداً لدرجة إنها لو جت تهبط في بيئة صحراوية أو فيها تراب كتير فلا الطيار ولا العساكر اللي فيها حيشوفوا حاجة.
السلاح اللي يمكن بيحط A-10 في حتة تانية خالص بعيد عن باقي الطيارات المقاتلة هو المدفع الرشاش بتاعها اللي بيتركب في مقدمتها من طراز GAU-8/A .. الطيارة دي أسطورة اتبنت علي أخطاء الطيارات اللي اتعملت قبلها.
لو معاك فلوس تشتري طيارات مقاتلة بس مش عارف تشتري ايه .. عايز حاجة كويسة بس متكلفكش كتير .. عندي طلبك يا معلم .. الطيارة الصيني J-10.
أظن لو جيت قلتلك إن الصينيين بنوا طيارتهم J-20 أول طيارة جيل خامس تتصنع هناك بإنهم سرقوا تصميمات الطيارة الأمريكاني F-35 فإنت غالباً حتقولي وإيه الجديد يعني مش فاهم أنا.
طيارة الجيل الخامس اللي صنعتها روسيا رخيصة بشكل غريب و حتي جت في وقت متأخر أوي و بعدد قليل أوي عشان تقف الند بالند قصاد F-35.
مبدأياً كده إسرائيل حتشتري 50 طيارة F-35 .. حلو .. أجزاء من شاشة العرض اللي حتبقي في خوذة الطيار و حتت من الجناح حتتصنع في إسرائيل بس خطوط الإنتاج و المكن و المرتبات مش إسرائيل اللي حتدفع ثمنها إنما أميركا هي اللي حتتحمل التكاليف دي.
دي تبقي أغلي سلاح بيتصنع في العالم دلوقتي .. هي أكتر سلاح أميركا صرفت عليه فلوس في تاريخها .. ده السلاح اللي خلت الشركة اللي صنعتها لوكهيد مارتن Lockheed Martin تاكل الشهد .. عايزك تعرف إن 25% من صافي أرباح الشركة حالياً جاي بسبب بيع الطيارة دي .. دي طيارة مقاتلة زيها زي أي طيارة مقاتلة عادية بس الفرق إن الطيارة دي حتبقي هي العمود الفقري للقوات الجوية الأميريكية.
هنا يجي دور إني أتكلم عن إزاي الأمريكان و الصينييين بيتعاملوا مع الموضوع غلط .. (ترامب) محتاج يفهم إن مينفعش رئيس أقوي دولة في العالم كل يوم الصبح يكتبلنا توييتة علي تويتر بإنه إزاي بيدوس علي وش الصينيين و إن الحرب الإقتصادية دي أميركا كاسباها كاسباها و إن مفيش أسهل من حروب التعريفات الجمركية.
رغم ان مشروع الطيارة CH-53K كلف لحد دلوقتي أكتر من 31 مليار دولار إلا إن المشاكل الفنية في تصميم الطيارة خلتها لحد دلوقتي مش عارفة تاخد ختم إنها تتجرب حتي مش إنها تدخل الخدمة.
الميزانية العسكرية الهندية لسنة 2018 و لسنة 2019 كانت 45 مليار دولار .. قارن ده بالميزانية العسكرية الصينية اللي هي 175 مليار دولار تلاقي إن الهند بتصرف ملاليم مقارنة بالصين .. المشكلة مش بس إن الهند بتصرف أقل من الصين .. المشكلة إن أغلب فلوس الميزانية العسكرية الهندية بتروح لدفع مرتبات 1.2 مليون جندي نظامي في الخدمة و ده رقم جاحد ده غير فلوس المعاشات .. المرتبات لوحدها بتبلع الميزانية العسكرية لدرجة إن مبيفضلش غير 14 مليار دولار بس هم اللي بيتصرفوا علي تسليح القوات المسلحة الهندية.
لو فيه درس نقدر نتعلمه من السفينة Zumwalt فهو انك لما تيجي تعمل حاجة جديدة في شغلك بلاش تجيب أكتر من فكرة جديدة أغلبهم متجربوش قبل كده و تيجي تدفسهم مع بعض في حتة واحدة و تقول لنفسك انا عملت اللي محدش عمله قبل كده.
في سبتمبر 2008 إسرائيل قدمت طلب رسمي إنها تستلم طيارة F-35 و الطلب كان إن إسرائيل عايزة 25 طيارة لو عجبتها حتشتري منها 50 طيارة كمان .. يعني هم كانوا ناويين يبقي عندهم 75 طيارة و ده رقم كبير بالمناسبة بس سببه إن الإسرائيليين كانوا مخططين إنهم يطلعوا الأجيال القديمة من طيارات F-16 اللي عندهم بره الخدمة.
المشكلة بدأت مع ولادة فكرة الF-22 Raptor حوالي سنة 1985 .. الفكرة كانت إنك تعمل طيارة مش بتتلقط بالرادارات السوفيتية و ده معناه إنك تلعب مش بس في تصميمها الخارجي إنما كمان في أنظمة الإتصالات بتاعتها لإن أكتر حاجة بتكشف مكان الطيارة مش الحرارة اللي بتطلع من محركها زي ما ناس كتير متخيلة قد ما اللي ممكن فعلاً يكشف مكان الطيارة هو إعتراض الإتصالات بتاعتها.
مبدأياً فكرة المحرك النفاث أو Turbojet Engine سهلة وبسيطة جداً .. إنت عشان تخلي الطيارة تتحرك لقدام فإنت محتاج تولد قوة دفع أو Thrust وعشان تولد القوة دي فالمحرك بيشفط الهواء اللي قدام الطيارة ويضغطه في Compressor ويبدأ يمزج الهواء المضغوط ده مع الوقود ويحرقهم سوا .. نواتج الإحتراق بتعدي بعد كده علي تربينة Turbine وهي دي اللي بتولد قوة الدفع Thrust.
إسرائيل حتدفع علي المقاتلة الواحدة 110 مليون دولار يعني المفروض إنها حتدفع 5.5 مليار دولار .. لكن .. و خلي بالك أوي من الكلام اللي جاي .. إسرائيل فعلياً مش حتدفع ولا مليم من الفلوس دي كلها.