للناس اللي مش عارفه إيه هي SpaceX؟ فخليني أبسطهالك .. عارف أوبر Uber؟ .. مش أوبر دي فكرتها إنك لما تحتاج حد يوصلك سواء انت لوحدك أو لو شايل شنط و حاجات عشان يوديك من حتة لحتة؟ .. أهي SpaceX بقي هي أوبر بس لNASA .. كل ما NASA تحب تبعت معدات أو أكل أو شرب أو أجهزة لمحطة الفضاء الدولية اللي بتلف حول الكرة الأرضية بتكلم SpaceX.
التحكيم ده هو التفاوض بحيث إن سيدنا (معاوية) يختار حد و سيدنا (علي) يختار حد و الإتنين يتفاوضوا بالنيابة عن الإتنين .. سيدنا (معاوية) إختار سيدنا (عمرو بن العاص) و سيدنا (علي) إختار سيدنا (أبوموسي الأشعري) .. أيام و أيام و كل يوم سيدنا (عمرو) و سيدنا (أبوموسي) يقعدوا مع بعض.
أديني بقولها من دلوقتي أهو .. سيدنا النبي (عليه الصلاة و السلام) مقالش صراحة إن سيدنا (أبوبكر الصديق) رضي الله عنه يجي ورايا يحكم .. هو كل اللي هو عمله إنه لمح لده بإنه إختاره هو اللي يؤم الصلاة بالنيابة عنه في أخر أيامه و حتي التلميح ده كان غريب أوي .. بيوت الصحابة كانت أغلبها بيطل علي مسجد النبي و الباب بتاع البيوت كان بيتقال عليه وقتها خوخة فسيدنا النبي طلب إنهم يقفلوا كل الخوخات ما عدا خوخة سيدنا (أبوبكر).
في إبريل 633 سيدنا (أبوبكر) بعت 4 جيوش لشمال الحجاز علي حدود الدولة الإسلامية مع الدولة البيزنطية و الجيوش الأربعة كانوا تحت قيادة (عمرو بن العاص) و (شرحبيل بن حسنة) و (يزيد بن ابي سفيان) و (أبوعبيدة ابن الجراح) رضي الله عنهم جميعا.
فيه ناس طبيعي إنها تسأل هو معلش يعني المدفع الرشاش ده إيه لازمته في الحياة؟ هو مش الإشتباكات الجوية أو Dogfighting دلوقتي بقت كلها معتمدة علي الصواريخ جو- جو؟ .. الحقيقة اه و لا في نفس الوقت.
خد العربية Volkswagen Golf مثلاً .. الصلب اللي الشاسيه إتعمل منه بيجي من بلجيكا .. الدريكسيون بيجي من رومانيا .. الفوانيس الأمامية بتيجي من جمهورية التشيك و الخلفية بتيجي من بولندا .. الجنوط بتيجي من كوريا الجنوبية بس الكاوتش بيجي من تركيا .. كابلات الكهرباء و الأجهزة الكهربية كلها بتيجي من اليابان و و ماليزيا و الصين .. عربية واحدة من موديل واحد بيتركب فيها 10,000 قطعة غيار بيجيوا من 2,600 مصنع بره ألمانيا و المفروض يعني لو إفترضنا إن المصنع مبيطلعش غير عربيات Golf فانت كده في السنة محتاج تخزن 8 ترليون قطعة غيار.
دي أزمة البلد مش عارفه تخرج منها لأسباب كتير .. منها إن السياسيين خايفين علي مستقبلهم أكتر ما هم خايفين علي مستقبل البلد .. أديك شايف حزب الله بيقول لو راحوا لصندوق النقد الدولي فشروطه حتبهدلهم هم شخصياً .. و منها إن ديون لبنان مشكلتها إن أغلبها دين داخلي.
كل يوم بيعدي في حكم (جورباتشوف) والأمريكان من جواهم بيموتوا من الرعب .. هم حاسين إن النهاية بتقرب ومحدش فيهم عنده أي فكرة هو المفروض إيه يتعمل لما اليوم ده يجي؟ .. في يونيو 1989 بتتعمل أول إنتخابات برلمانية في بولندا واللي كانت نتيجتها إن الحزب الشيوعي خسر .. اللي لا السوفييت ولا الأمريكان كانوا عاملين حسابهم عليه إن ربك لما يريد الصعب بيتهون والحزن بيتلون .. ربك لما يريد بيزرع وسطنا بني أدمين مبيبقاش ليهم أي لازمة في الدنيا غير إنهم يدوسوا علي الزرار اللي ممكن يوقع إمبراطوريات.
ده في الوقت اللي دماغ (كينيدي) كانت بتسرح في نقطه وهي ليه؟ .. ليه (خروشوف) يعمل كده؟ .. كل ده عشان انا نشرت صواريخ في تركيا؟ .. انا كان ممكن اسيبه يعمل اللي هو عايزه في كوبا لولا اني في مكالمتي في التليفون معاه حلفتله بالطلاق ان لو هو بعت اسلحه نوويه لكوبا حطربق الدنيا فوق دماغه و دماغ كاسترو
سنة 1936 يعني فعلياً قبل الحرب العالمية الثانية ما تبدأ ب3 سنين حكومة (أدولف هتلر) زي أي حكومة إشتراكية بدأت تطبق سياسة التحكم في الأسعار .. الحكومة بقت بتحدد سعر كيلو اللبن بكام و سعر ربع الجبنة البراميلي بكام و سعر لتر البنزين بكام .. انا أقدر أتفهم لو انت دلوقتي بتقول يا سلااااام علي دي سياسة .. مش دي كانت تحمينا من جشع التجار .. الحقيقة هي اه بس علي شرط وهو إن الحكومة نفسها متبقاش أكبر تاجر جشع في السوق بس ده مبيحصلش.
فعلياً فرنسا حالها في مالي مبقاش يفرق كتير عن حال أميركا في فيتنام أو في أفغانستان .. حرب بقالها سنين و محدش عارف حتخلص إمتي .. حرب بيتصرف عليها مليارات كل سنة قصاد عدو انت مش حتعرف تهزمه لا و كمان بتحاربه علي أرضه اللي هي أساساً بيئة و طبيعة غريبة عليك .. فوق ده كله إن الإستراتيجية اللي فرنسا شغالة بيها في مالي عقيمة أوي .. هم زي ما يكونوا عاملين زي ويندوز إكسبلورر كده بيفوقوا بعد الهنا بسنة .. سنة إيه قول 15 سنة.
البندقية دي شركة Heckler & Koch فضلت تشتغل عليها 10 سنين لحد ما في سنة 2000 بدأت تنتجها .. بندقية إتعملت بروقان .. البندقية مش متصنعه من البلاستيك إنما متصنعه من البوليمرات بنسبة 15% متصنعه من Fiberglass فده معناه إنها خفيفة بس في نفس الوقت قوية ومش بتصدي.
فيه بني ادم اسمه (ماركو بولو Marco Polo) وده يبقي رحاله تقدر تقول عليه النسخه الاوروبي من (ابن بطوطه) سافر الصين و بدا يتعلم ازاي المجتمع ده عايش و لما رجع حط الافكار اللي هو شافها دي كلها في كتاب مشهور جدا .. الكتاب ده فيه افكار سابقه عصرها زي مثلا فكره المكرونه الاسباجتي و فكره الايصالات
كل ده تقدر تقول إنه إتكسر و إتدمر مع الحرب العالمية الأولي .. كل سنين التعب و الهبد لحد ما حطينا نظام مالي ينفع دول العالم كلها تمشي عليه راح في ستين داهية .. دول العالم بطلت تلتزم بGold Standard و بقوا يطبعوا فلوس عمال علي بطال عشان يغطوا تكاليف الحرب .. بعد ما الحرب خلصت مفيش دولة مكنتش مديونة حتي اللي كسبوا الحرب.
اللي انا اقدر اقوله ليك وانا شبه مطمن انه حيحصل ان (بول بوجبا Paul Pogba) مش حيبقي ضمن السكواد بتاعه مانشستر يونايتد الموسم الجاي ان شاء الله
أول بنك مركزي بالمعني الفعلي للكلمة كان البنك المركزي الإنجليزي أو بنك إنجلترا Bank of England و ده إتأسس سنة 1695 .. اللي أنا عايز أحكيه في الجزء ده إزاي العالم كله بدأ يقتنع واحدة واحدة إن يا جدعان لازم كل دولة يبقي فيها بنك مركزي .. هو يعني إيه بنك مركزي؟ .. بيعمل إيه البتاع ده؟