هنا حنتكلم عن احدث الاسلحه اللي انتجها البشر .. حنتكلم عن ايه نقاط قوه و ضعف الجيوش العالميه و اسلحتها .. حنتكلم عن مقارنه بين اسلحه .. كل ما يخص السلاح و الجيوش في العالم حنتكلم عنه
خد بالك بقي .. واضح إن الفئة اللي تهمنا هي الطيارات المخصصة للعمليات القتالية و اللي مش معني إنهم 123 طيارة إن كل الطيارات دي ينفع تخش حرب بكره الصبح .. بناء علي أرقام سلاح الجو الأميريكي لسنة 2018 فدرجة الإستعداد القتالي لطيارات F-22 Raptor هي 52% .. ده معناه إن من ال123 طيارة دول فيه منهم 64 بس جاهزين يخشوا حرب .. يعني فعلياً عدد طيارات F-22 Raptor اللي جاهزة تبقي في الجو في أي لحظة هم 21 طيارة بس.
إسمها بالكامل Su-35SE Super Flanker و هي أساساً كانت متصنعة علي إن روسيا تصدرها بس الطيارة طلعت فشيخة لدرجة إن سلاح الجو الروسي شبط فيها .. في أغسطس 2009 سلاح الجو الروسي طلب يشتري منها 48 طيارة و أخر واحدة أستلموها في 2015.
طب ده معناه إيه؟ .. معناه إن الطيارتين F-35C و F-35B مينفعش تقولهم إطلعوا طيروا بسرعة عشان تعترضوا سرب طيارات معادية جاي يضربنا .. ولو حصل و الطيار جري أسرع من الصوت الطيارة حتحتاج تتعملها صيانة كاملة .. أحب أفكرك إن النسخة F-35C دي اللي حتشتغل علي متن حاملات الطائرات .. بدأت تفهم المصيبة فين؟
الطيارة الشبح كانت بتطلع من القاعدة الجوية بتاعتها في ولاية ميزوري وتروح تعدي المحيط الأطلنطي في رحلة مدتها 30 ساعة رايح جاي عشان تضرب يوغوسلافيا وترجع تاني .. في الحرب دي سرب طيارات الشبح نفذ 50 غارة جوية اترمي فيها 30% من إجمالي القنابل والصواريخ اللي اتضربت علي يوغوسلافيا طول الحرب.
حالياً تقارير عسكرية كتير بتقول إن باكستان تحت إيدها ما بين 150-180 رأس نووي فيه منهم اللي بيكون رؤوس نوويه إستراتيجية و فيه منهم اللي حيكون رؤوس نووية تكتيكية.
فيه دول كتير ريقها جري و راحت لماما أمريكا تبيعلها الطيارات دي و هنا ظهرت المشكلة اللي إحنا فيها دلوقتي .. الأمريكان في الأول رفضوا بشكل قاطع إنهم يبيعوا تكنولوجيا الطيارات بدون طيار دي لأي حد علي أساس إنهم كانوا عايزين يحتفظوا بالتكنولوجيا دي لنفسهم.
النقلة النوعية بحق و حقيقي لبرنامج المعونة العسكرية الأميريكية لمصر كانت سنة 2009 .. في السنه دي الأمريكان بدأوا برنامج جديد يبقي ابن عم FMF سموه FMS و ده إختصار Foreign Military Sales أو مبيعات الأسلحة الأجنبية.
هل اللي حتعمله ألمانيا ده نصاحة ولا هم خزوقوا نفسهم؟ .. هم اه تفادوا إنهم يشتروا طيارات F-35 بكل مشاكلها و مصاريفها .. بس في نفس الوقت هم فكوها ب3 طيارات .. هل المصاريف اللي انت كنت حتكعها لو كنت إشتريت F-35 أقل من مصاريف شراء و صيانه و تسليح و تدريب الطيارين بتوعك علي 3 أنواع مختلفة من الطيارات؟ .. وعلي فكرة اللي حيحسم المسألة أولاً و أخيراً هي الفلوس .. و مينفعش إنك تبص علي سعر الطيارة لوحده كمقياس إنك تحدد.
في الأخر انت فعلياً متقدرش تحكم علي إن A2/AD دي فكرة ناجحة أو لا لسبب بسيط جداً هي إنها متجربتش بحق و حقيقي .. هي إتجربت في Simulations أو محاكاة وعلي حسب اللي بيعمل Simulations دي بيطلع نتايج وكلهم عكس بعض.
البندقية دي شركة Heckler & Koch فضلت تشتغل عليها 10 سنين لحد ما في سنة 2000 بدأت تنتجها .. بندقية إتعملت بروقان .. البندقية مش متصنعه من البلاستيك إنما متصنعه من البوليمرات بنسبة 15% متصنعه من Fiberglass فده معناه إنها خفيفة بس في نفس الوقت قوية ومش بتصدي.
مع الوقت المهندسين بتوعهم بقوا عندهم ما يسمي Know-How او انك تعرف سر الصنعه .. بس ده خد منهم سنين تعب و مذاكره و تجربه .. يا عيني صفه انهم حراميه دي لزقت في الصينيين من غير ما حد يسال نفسه طب هم ايه اللي خلاهم يعملوا كده؟
الإنفاق العسكري الياباني اللي عمال يزيد يوم عن يوم ده بيخليني أبص لمنطقة جنوب شرق أسيا و أحس إني قصاد نفس الوضع في أوروبا في السنين اللي قبل الحرب العالمية الأولي.
السلاح اللي يمكن بيحط A-10 في حتة تانية خالص بعيد عن باقي الطيارات المقاتلة هو المدفع الرشاش بتاعها اللي بيتركب في مقدمتها من طراز GAU-8/A .. الطيارة دي أسطورة اتبنت علي أخطاء الطيارات اللي اتعملت قبلها.
فيه دول كتير بقت بتسعي ورا تطوير فكرة Supercavitiating Torpedoes .. عندك أميركا مثلاً اللي القوات البحرية بتاعتها بتحاول تطلع الطوربيد اللي عندهم Mark 48 بره الخدمة و يحلوا محله بطوربيد أحدث و ياسلام بقي لو شغال بالتكنولوجيا دي بس تبقي المشكلة إن Requirements أو طلبات القوات البحرية الأميريكية تخليك تحس إنهم عايزين (زكريا الدرديري) مش طوربيد.
سواء كنت بتتكلم عن سوريا أو ليبيا أو اليمن فسماء كل بلد فيهم مليانة بطيارات بدون طيار و التكنولوجيا دي مع كل يوم بتكبر و بتنتشر بين إيد أطراف الصراع في كل بلد.
إنك تشتري سلاح فده زي إنك تروح تشتري عربية مستعملة بالضبط كل اللي إنت محتاج تعمله إنك تذاكر السوق كويس و تكون فاهم إنت بتبص علي إيه و إنت بتعاين العربية اللي حتشتريها عشان تفهم اللي حتشتريه ده عيوبه إيه و اللي بيبيعلك مغلي سعره ولا لا .. شراء السلاح مش علم ذرة .. هو مش صعب بس سهل أوي تتخزوق فيه.