الهندسه و البيئه و الابحاث العلميه .. بحر واسع من العلم حنحاول سوا نفهمه
مشروع الطيارة Dreamliner كان كارثة بكل المقاييس والمشكلة إن الناس اللي جوه بوينج كانوا عارفين إنهم لبسوا في الحيط من بدري .. سنة 2014 بعد إعلان حظر طيران الطيارة Dreamliner قناة الجزيرة نزلت فيلم وثائقي عنها وفي الفيلم سألوا 15 مهندس جوه بوينج من اللي كانوا شغالين في مشروع الطيارة Dreamliner هل هم ممكن يطيروا بالطيارة دي فكانت إجابة 10 من 15 هي لا عشان هم شايفين إنها طيارة مكانها المزبلة.
(عمر الخيام) لو انت مثقف فانت عارفه بسبب الرباعيات بتاعته في الشعر .. لو انتي بنت فانتي غالباً عارفاه من كناب قواعد العشق الأربعين .. بس لوانت دحيح حتبقي عارف انه كان الأنتيم بتاع (حسن الصباح) مؤسس الحشاشين .. بس النهاردة حنحكي إزاي إن الرجل ده شقلب دماغ مدرسين الرياضيات في عصره لما قالهم هو ليه لا نحط الأرقام الكسرية علي خط الأعداد جنب اخواتها الأعداد الصحيحة Irrational Numbers؟
اللي إنت محتاج تفهمه إن مشاريع التعدين مش بتكون مشاريع باتنين جنيه .. دي مشاريع بتكون بمليارات وبتسحب وقت وعمالة ومصاريف وبتعمل مشاكل ما يعلم بيها إلا ربنا وعشان كده غالباً المشاريع دي بيكون عليها العين .. المشروع الواحد بيكون حصة محترمة من الناتج الوطني الإجمالي GDP بتاع أي بلد.
بما إنك كبنت دايماً بتقولي إنك عايشة في مجتمع ذكوري متعفن و بما إن الإنترنت ده هو مقلب الزبالة بتاع هذا المجتمع الذكوري المتعفن فده معناه بالضرورة إن الإنترنت هو كمان عبارة عن مجتمع ذكوري متعفن .. فلما إحنا نعمل برنامج كومبيوتر مرجعيته الأساسية هي الإنترنت فالمنطق بيقول إن هذا البرنامج و كل النتايج اللي حتطلع منه حتعبر عن مجتمع ذكوري متعفن.
في الأخر دي كاميرا و عشان تعمل كاميرا جامدة لازم العدسة تبقي كبيرة و ده معناها وزن زيادة بس إنت مش عايز التليسكوب يبقي تقيل .. إزاي تعمل كاميرا العدسة بتاعتها قوية بس في نفس الوقت خفيفة؟ .. وزن تليسكوب جيمس ويب حوالي 6 طن و ده تقريباً نص وزن تليسكوب هابل الفضائي اللي حيطلع بره الخدمة خلاص و المفروض إن تليسكوب جيمس ويب حيحل محله رغم إن عدسات الكاميرا بتاعة تليسكوب جيمس ويب أقوي الضعف من العدسات اللي متركبه علي تليسكوب هابل .. عملوها إزاي دي؟
صناعة السيارات في أوروبا بالذات و اللي شغال فيها حوالي 3.7 مليون بني أدم بقوا دلوقتي في وضع زي الزفت الصراحة .. تكنولوجيا الروبوتات ملت المصانع فبدل ما الشغلانة كانت محتاجة زمان 10 عمال عشان تتعمل فدلوقتي إنت محتاج بني أدم واحد بس يشرف علي شوية روبوتات و شكرا علي كده .. فكرة كمان إن كل مواطن أوروبي بقي تقريباً ناشط بيئي.
في الوقت ده كانت الطيارة الإنجليزية سبيتفاير Spitfire تعتبر هي الميرسيدس بتاعة الطيارات المقاتلة .. طيارة متركب فيها موتور إسمه ميرلين Merlin إتسمي علي إسم الساحر (ميرلين) في قصة الملك (أرثر) و صنعته شركة رولز-رويس Rolls-Royce .. نفس الموتور ده كان بيتركب في قاذفة القنابل البريطانية لانكاستر Lancaster .. من وجهة نظر الطيارين البريطانيين الطيارة سبيتفاير هي اللي كسبتنا معركة بريطانيا الجوية و الطيارة لانكاستر هي اللي بتخلينا ننفذ غارات جوية جوه الأراضي الالمانية .. خلاص كده المهندسين الإنجليز هكروا اللعبة و هندسة الطيران جابت أخرها معانا.
فيه سلسلة جبال في أسيا إسمها الهيمالايا بحيث قمة إيفيريست دي تبقي واحدة من وسط قمم الجبال بتاعة السلسلة .. الفكرة إن قمة إيفيريست دي تقدر تقول إنها علي الناصية بتاعة 3 شوارع .. ناصية بتطل علي الهند .. ناصية بتطل علي التيبيت اللي هي تبقي جزء من الصين .. ناصية بتطل علي دولة إسمها نيبال .. سنة 1856 رئيس إدارة المساحة في الهند اللي كان السير (جورج إيفيريست) كلف فريق من بتوع الخرايط الإنجليز إنهم يقيسوا قمة الجبل اللي كان وقتها الإنجليز بيسموه القمة 15.
سد الممرات الثلاثة إتصمم و إتبني علي أساس إن تبقي وظيفته هو التحكم في الفيضانات اللي بتحصل في أكبر أنهار الصين بس بعد ما السد إتبني و بعد ما إشتغل إكتشفوا إنه إتصمم غلط و إنه مش حيستحمل مياه الفيضانات بتاعة النهر اللي هو معمول عشان يسيطر عليه.
أهم مبدأ في الطاقة الشمسية واللي مينفعش ميبقاش في دماغك هو إن الطاقة مش بتختفي .. الهندسة مش سحر .. الطاقة لا تفني ولا تستحدث من العدم ولكن تتحول من صورة لأخري وده اللي إحنا خدناه في المدرسة بس حفظناه من غير ما حد يفهمنا هو الكلام ده معناه إيه .. لنفترض إنك بقدرة قادر قدرت تفرش الصحراء الكبري خلايا شمسية .. حلو .. الخلايا دي صحيح بتمتص أشعة الشمس بس عايزك تعرف إن 15% بس من الطاقة الشمسية اللي بتنزل عليها بتتحول لكهرباء .. طبيعي إنك تسأل طب 85% الفاضلين بيروحوا فين؟ .. الإجابة بيتحولوا لطاقة حرارية Heat.
سنة 1831 كان فيه شاب عنده 22 سنة بيدرس أحياء في جامعة كامبريدج في بريطانيا اسمه (تشارلز روبيرت داروين Charles Robert Darwin) .. زي ما انت لما تبقي معيد في الكلية بتحضر ماجستير بتشمشم علي منحة دكتوراه في جامعة بره مصر فبرده (داروين) جاتله فرصة مش بتيجي في العمر كتير .. هو إتقاله حضر شنطتك عشان حتسافر لمدة 5 سنين علي المركب الكبيرة اللي هناك دي وكان إسمها إتش إم إس بيجل HMS Beagle.
أيوه الإمارات إعتمدت بشكل كبير علي الخواجات و دي حاجة مينفعش ننكرها .. صحيح قدام الناس اللي كان ماسك المشروع هي بنت إسمها (سارة بنت يوسف الأميري) و دي سنة 2014 كانت يدوبك مهندسة كومبيوتر و دلوقتي هي وزيرة العلوم المتقدمة في الإمارات بس في نفس الوقت اللي أطلق المسبار للفضاء كان اليابانيين من مركز تانيجاشيما للفضاء.
بعد ما عدت 75 سنة علي أول تفجير نووي و بعد ما التجارب النووية إتلغت إلا إن التجارب الإفتراضية ببرامج سوفت وير حديثة بتدي للعلماء فرصة أفضل إنهم يدرسوا الإنفجارات النووية من غير ما يفرقعوا قنبلة واحدة.
فكرة التكامل زي ما قلتلك هي مجرد إنك تعرف فيه كام مستطيل رفيع صغنون إنت محتاجه تحت المنحني عشان لما في الأخر تجمع مساحة المستطيلات دي كلها تطلع قد المساحة اللي تحت المنحني .. فكرة تافهة هي مجرد Upgrade للكلام بتاع (إقليدس) بس الفكرة لما إتضربت في الخلاط مع فكرة الإحداثيات الكرتيزية بتاعة (جيكارت) لما إتحطوا في كتاب الأصول الرياضية للفلسفة الطبيعية وده الإسم العربي الطويل أوفر لكلمة The Principia وده كان عنوان الكتاب اللي كتبه (نيوتن) فالكتاب ده نقل البشر سنين ضوئية لقدام.
(عمر الخيام) لو انت مثقف فانت عارفه بسبب الرباعيات بتاعته في الشعر .. لو انتي بنت فانتي غالباً عارفاه من كناب قواعد العشق الأربعين .. بس لوانت دحيح حتبقي عارف انه كان الأنتيم بتاع (حسن الصباح) مؤسس الحشاشين .. بس النهاردة حنحكي إزاي إن الرجل ده شقلب دماغ مدرسين الرياضيات في عصره لما قالهم هو ليه لا نحط الأرقام الكسرية علي خط الأعداد جنب اخواتها الأعداد الصحيحة Irrational Numbers؟
أي سفينة في الدنيا هي عبارة عن 3 حاجات .. موتور .. رفاص .. شاسيه .. في حالة السفينة ماري ميرسك فانت كمهندس مطلوب منك انك تضبط مقاديرك .. التصميم الهندسي خصوصا للسفن عامل زي عمايل الكيكة .. انت بيبقي قدامك مقادير و طريقة عمايل .. لو مقاديرك باظت فالكيكة حتترمي في الزبالة .. الكيكة اللي انت المفروض تعملها هي عبارة عن سفينة بتقدر تمشي في المياة بسرعة ممكن توصل 23 ميل بحري في الساعة اللي هو انت بتتكلم عن 42.6 كيلومتر في الساعة.