ربط أي جهاز بجهاز أخر عبر الإنترنت. وهذا يشمل كل شيء هواتف محمولة، آلات صنع القهوة والغسالات، سماعات الرأس و المصابيح، أجهزة يمكن ارتداؤها، وتقريبا أي شيء آخر يمكن أن يخطر على بالك. وهذا ينطبق أيضا على مكونات الآلات، على سبيل المثال محرك الطائرة مع الطائرة فقط بالإنترنت
اللي حتكلم عنه النهاردة هو واحدة من أهم الخناقات اللي (إلهان) داخله فيها بإيديها و سنانها و هي خناقتها مع اللوبي اليهودي في أميركا و عشان تفهم اللوبي اليهودي في أميركا لازم الأول تتعرف علي حاجة إسمها إيباك AIPAC و دي إختصار American Israeli Public Affairs Committee .. هنا بقي أنا عايزك تفهم مين هم AIPAC دول؟
إتعلم من (جوارديولا) خصوصاً لو إنت بقيت مدير ماسك فريق تحت منك إنك تاخد قراراتك من غير ما تدخل مشاعرك في الموضوع .. هو مشي (جو هارت Joe Hart) واحد من أحسن حراس المرمي في تاريخ إنجلترا مش لإنه مش بيحبه إنما لمجرد إن طريقة لعبه مش ماشية مع الإسلوب اللي (جوارديولا) بيلعب به .. الموضوع مش Personal أو شخصي ده شغل.
أي حاملة طائرات في الدنيا بتتصمم علي إنها تقدر تشتغل 50 سنة بس عشان ده يحصل لازم لما يعدي علي حاملة الطائرات 25 سنة في الخدمة بيتعملها حاجة إسمها Midlife Refueling يعني تفويلة منتصف العمر إن حضرتك بتجيب حاملة الطائرات و بتغير الوقود النووي بتاعها كله بحيث إن العملية دي بتكلف فلوس كتير و بتاخد علي الأقل سنة كاملة شغل.
خليني أحطهالك علي بلاطة .. مفيش بلد بتنول شرف تنظيم بطولة إياكش حتي تبقي تنظيم بطولة لعب الدومينو علي القهاوي أو بطولة رمي البلي لمسافات طويلة و العملية مش بتبقي فيها مجاملات و هدايا و لعب من تحت الطرابيزة .. إرجع بس بذاكرتك لكم الفضايح اللي كلنا سمعناها من واحد زي (تركي ال شيخ) عن كل التجاوزات اللي كانت بتحصل في كرة القدم المصرية و انت حتستوعب انا بقول إيه .. لما الإتحاد الدولي لكرة القدم FIFA عمل لجنة تحقيق تشوف هل فعلاً قطر إرتكبت تجاوزات لقوا نفسهم قدام حقيقة صعبة أوي .. هو مين مش بيتجاوز؟
صحيح يبان إن رقم 650 مليون جنيه إسترليني ده رقم كبير و تحس إنك أول ما تسمعه إن Puma دافعه دم قلبها وإن خلاص كده يا جدعان اسم مانشستر سيتي بقي علامة مسجلة زيه زي Apple بس الحقيقة مش كده .. الحقيقة مش كده خالص .. تقريباً أي نادي من ضمن كبار الدوري الإنجليزي الممتاز (ما عدا مانشستر يونايتد حتفهم ليه كمان شوية) لو قرر إنه بكره الصبح يدور علي شركة جديدة تعمله تي-شيرتاته فغالباً حيتدفعله رقم قريب أوي من ده.
صحيح إن القوات البرية العراقية حققت تقدم محترم في الأيام الأولي للحرب لحد ما وصلوا لمدينة خوزستان الإيرانية بس مع الوقت تقدمهم بقي بيتقاس بالسنتيمتر مش بالكيلومتر لحد ما التقدم ده وقف خالص مع صلابة المقاومة الإيرانية .. شوية و الحرب قلبت علي حاجة شبه حروب الخنادق بتاعة الحرب العالمية الأولي اللي هو جيشين حافرين خندقين قصاد بعض و راصينهم عساكر و مدافع رشاشة و لا ده عارف يتقدم ولا ده عارف ياخد من التاني لا حق ولا باطل.
حيجي حد يسأل السؤال المنطقي جداً بتاع يا لهوي وهم الأمريكان سايبين أمازون تعمل كل ده و محدش بيقولها حاجة؟ .. الحقيقة اه و السبب في كده هو قانون حماية المستهلك و ده قانون بيحط مصلحة المستهلك فوق أي إعتبار حتي لو الشركة اللي بيشتري منها بدأت تحتكر السوق.
الغواصة كورسيك دخلت الخدمة سنة 1994 ضمن الأسطول الشمالي الروسي و يوم 15 أغسطس 2000 كان المفروض إن الغواصة حتعمل مناورة مع حاملة الطائرات الروسية الأدميرال كوزنيستوف Admiral Kuznestov و المدمرة بيتر فاليكتي Pyotr Valikity بحيث إن السيناريو حيكون إن الغواصة كورسيك كأنها بتصطاد حاملة الطائرات و المدمرة دورها إنها تحمي الحاملة.
النهاردة هنتكلم عن فكرة عمل الموبايل وازاي بيتم إرسال واستقبال المكالمات الهاتفية .. اولا وبكل بساطة هنشرح الفكرة للمكالمات الهاتفية
انا مش بهزر ولا كنت بحاول اني ابسطلك المعلومه لما شبهتلك الهبوط علي المريخ بانه مساله فيزياء .. زي ما انت في ثانويه عامه او لو ربنا قدرك و دخلت كليه هندسه مع اني منصحكش و كان بيتقالك عشان تعرف تحل في الامتحان لازم تحل الشيتات و تمرن نفسك علي انك تحل مسائل امتحانات كتير فبرده فرق المهندسين اللي بتتولي مهمه الهبوط باي مركبه فضاء علي المريخ بيقضوا ساعات كتير اوي مبيعملوش حاجه في حياتهم غير انهم يحلوا مسائل امتحانات عشان يمرنوا ايدهم و عقلهم لحد يوم الامتحان
الميزانية العسكرية الهندية لسنة 2018 و لسنة 2019 كانت 45 مليار دولار .. قارن ده بالميزانية العسكرية الصينية اللي هي 175 مليار دولار تلاقي إن الهند بتصرف ملاليم مقارنة بالصين .. المشكلة مش بس إن الهند بتصرف أقل من الصين .. المشكلة إن أغلب فلوس الميزانية العسكرية الهندية بتروح لدفع مرتبات 1.2 مليون جندي نظامي في الخدمة و ده رقم جاحد ده غير فلوس المعاشات .. المرتبات لوحدها بتبلع الميزانية العسكرية لدرجة إن مبيفضلش غير 14 مليار دولار بس هم اللي بيتصرفوا علي تسليح القوات المسلحة الهندية.
معلومة رقم واحد: باكستان لما إتكونت هي إتكونت عشان دي حتة من شبه القارة الهندية اللي صادف إن أغلب اللي عايشين فيها مسلمين يعني سبب إنفصال باكستان عن الهند هو إن باكستان عايش فيها مسلمين كتير و الهند عايش فيها هندوس كتير و الإتنين وصلوا لمرحلة إنهم مش طايقين العيشة مع بعض .. معلومة رقم إتنين و هي إن أغلب اللي عايشين في كشمير مسلمين .. ده معناه إن باكستان شايفة إن كشمير دي بتاعتها و بتاعتها لإنها بلد مسلمة عايش فيها مسلمين.
كواحد بحب أتفرج علي الأفلام فأنا في رأيي إن هوليوود وكمان مصر محتاجة تدي للستات فرصة إنها تخرج وخليني أختملك بحاجة لطيفة .. عارف فيلم الطريق الي إيلات؟ .. إنت تعرف إن أخرجته واحدة ست اسمها (إنعام محمد علي)؟ .. أنظف فيلم حربي إتعمل في تاريخ السينما المصرية أخرجته واحدة ست .. حتي في أميركا أنا شايف إن (إنعام محمد علي) بتاعة أميركا واحدة اسمها (كاثرين بيجلو).
مشكلة السعوديين مع الإخوان المسلمين بدأت مع يناير 2011 .. زي ما عيلة (لانيستر Lannister) بيكرههوا عيلة (ستارك Stark) عشان شايفينهم عايزين الكرسي فكمان الخلايجة شايفين إن الإخوان المسلمين عايزين يقعدوا علي الكراسي و قد يكون عندهم حق بس ده جزء من لعبه السياسة إنك تحكم و تيجي إنتخابات تخسرها و حد غيرك يحكم و بعد كده تيجي إنتخابات فتحكم انت تاني .. بس الخلايجة معندهمش الكلام ده .. إنتخابات إيه و بتاع إيه.